Pas rreth 2 orësh mbledhje të Grupit Parlamentar, PD ka paralajmëruar se do ta kundërshtojë fuqishëm buxhetin e vitit 2025, të cilin e konsiderojnë si buxhetin e oligarkëve.
Kreu i grupit parlamentar të PD, Gazment Bardhi ka bërë të ditur vendimarrjen e grupit, për të cilën tha se në unison është vendosur të mos ketë normalitet në Kuvend, sa kohë që mazhoranca vendos në kundërshtim me vendimmarrjen e Gjykatës Kushtetuese të përjashtojë deputetët e opozitës.
Sipas Bardhit, Rama nuk do të mundet kurrë që të nxjerrë jashtë Kuvendit deputetët e opozitës, pasi këta të fundit janë të vendosur t’i prijnë aksionit të mosbindjes ciivile dhe popullit opozitar.
Edhe pse nuk kanë numrat e mjaftueshme në Kuvend për të garantuar ndryshimin e buxhetit, Bardhit tha se PD do të paraqesë amendamente, që sipas tij mbështesin femerin, pensionistin dhe të gjithë qytetarët shqiptarë, e jo një buxhet që shkon për llogari të Belinda Ballukut dhe skemës 5D të Erion Veliaj.
Vitin e kaluar, siç ishit dëshmitarë, kishim një vendimmarrje grupi që s’do kishte normalitet pa u plotësuar kushtet. Në rastin konkret, aksioni politik i PD për të garantuar zgjedhje të lira e të ndershme, do të vazhdojë. Deputetët do t’i prijnë atij aksioni dhe populli opozitar, dhe deputetët do të përfaqësojnë interesin qytetar sipas pritshmërive të tyre në seancë. Ne, në raport me Kuvendin, do vendosim rast pas rasti. Nëse shpresojnë se do të lëmë terren të lirë për t’i hapurr rrugë buxhetit të oligarkëve të Ramës, e kanë gabim. Ne do të mbështesim buxhetin për pensionistët, fermerët, sepse përfaqësuesit e vetëm, realë të qytetarëve janë deputetët e PD.
S’ka pasur vendimmarrje të grupit parlamentar që do të ketë normalitet. Së bashku me kushtet që e mundësojnë rikthimin në normalitet Grupi Parlamentar ka reaguar ndaj një padrejtësie kushtetuese ndaj burgosjes së Salianjit, apo një akti të pashembullt të refuzimit të vendimeve të Kushtetueses nga mazhoranca. Sa herë të ketë raste të tilla, PD do të reagojë fuqishëm.
Nga sot do jemi brenda parlamenteti, në komisione për të bërë detyrën se çfarë buxheti kanë sjellë Rama. Edhe ata të përjashtuarit do të jenë. Është vendimmarrje e Ramës për të nxjerrë opozitën jashtë Kuvendit. Rama është frikacak që s’e do opozitën në Kuvend. Ka bërë gjithçka për ta nxjerrë jashtë opozitën, përmes një rregulloreje të shfuqizuar nga Kushtetuesja. U duhet thënë e vërteta shqiptarëve, deputetët e opozitës s’lejohen të bëjnë punën e tyre.
Ne s’kemi ikur nga parlamenti, ikja do të thotë të braktisësh mosbindjen civile dhe përballjen. Ne do të jemi në përballje në çdo front, në rrugë, me qytetarët dhe do t’i prijmë aksionit të mosbindjes civile. Ka një vendim të Kuvendit Kombëtar të PD, që në s’bojkotojmë institucionet.
