TIRANË– Seanca ka rinisur sërish me debate të forta mes opozitës dhe mazhorancës. Deputeti i Partisë Demokratike Gazment Bardhi ka kërkuar që në interpelancë për çështjen e “McGonigal” të jetë kryeministri Edi Rama dhe jo të ja delegojë këtë përgjegjësi ministres Elisa Spiropali. Sipas deputetit demokrat kreu i qeverisë nuk mund të fshihet pas fustanit të ministres.
Gazment Bardhi: Siç ju jeni në dijeni, interpelanca me kryeministrin është kërkuar dhe nga 7 deputetë, unë nuk kam kërkuar interpelancë me Elisa Spiropalin, por me kryeministrin Rama. Nuk është kapur Elis Spiropali, por kryeministri Rama. Kemi të bëjmë me një veprimtari private të kryeministrit Rama. Dëgjova që ministrja thotë keni frikë ta zhvilloni me mua, problemi është që zoti Rama ka frikë të vijë, fshihet pas fustanit të saj. Të vijë këti, të jaoë shpejgime, të sqarojë opinionin publik. Të tegojë ku i ka gjetur 225 mijë dollarë. Kështu që nuk ka rregullorja fjalë që kryeministri që kërkohet në interpelancë të delegohet. Ma tregoni ku shkruhet kjo gjë. Javës tjetër e shtyu përballjen me një raport mjekësor, tha që ishte sëmurë. Mund ta dimë çfarë ka këtë javë? Ka raport sërish? Është sëmurë? Ka temperaturë? Duhet ta dimë këtë gjë. Më lejoni t’ju bëj me dije se jam në respekt të procedurave që ndodh në këtë parlament. Ka pasur dhe raste që është deleguar një interpelancë. Ka vetëm një shembull ku është thirrur në interpelancë kryeministri nga Agron Shehaj dhe ju e keni pyetur nëse donte ta zhvillonte me një tjetër person. Dhe ai e ka pranuar me vullnetin e lirë. Në rastin konkret kemi të bëjmë me një aferë personale. Nëse ka qenë bashkëpunëtore zonja Elisa, të ngrihet dhe të thotë e korruptova unë.
