Kryetari i Partisë Demokratike, Lulzim Basha, pasi shkarkoi Gazment Bardhin si kreu i grupit parlamentar me statutin e ri të miratuar në Kuvendin Kombëtar, dekaroi se tani i mban ai të dy funksionet.
Por theksoi se detyrën e kreut të grupit parlamentar, do ia delegojë një prej nënkryetarëve.
“Kauza jonë është për qytetarët, nuk jemi këtu për tu marrë me njëri tjetrin”, tha Basha, para hyrjes në seancë parlamentare për gazetarët.
A e njihni Bardhin si kreu i grupit parlamentar?
Lulzim Basha: Me hyrjen në fuqi të statutit janë marrë vendimet përkatëse, Si kryetar i PD, i ngarkuar nga statuti si kreu i grupit parlamentar. Do ia delegoj këtë detyrë një nga nënkryetarëve. Thirrja ime për çdo deputet, në këtë kohë sfiduese, që është momenti të shohim përtej interesave personale.
