TIRANË– Kryetari i Komisionit Zgjedhor në Partinë Demokratike zyrtare Jemin Gjana i është përgjigjur, Sekretarit të Përgjithshëm Gazment Bardhi sa i përket çështjes së vulës së partisë , e cila tashmë është bërë ‘’mollë sherri’’ dhe vetë brenda ,mbështetësve të linjës së Lulzim Bashës. Sipas Gjanës është marrë vendimi që të prodhohet një vulë e re.
Jemin Gjana: Sa për vulën, më vjen keq por unë nuk mendoj se vlen për audiencën, për publikun. Vula e PD si vula e çdo institucioni publik, ka një zyrë protokolli dhe arkive. Vula në dijeninë time ka qëndruar në zyrën e protokollit. Se mban as Sekretari i Përgjithshëm, as kryetari. Rri në protokollin e institucionit. E dini pse e morëm vendimin, sepsee po vinte momenti për zgjedhjen dhe rezultoi që s’kishim më vulë dhe natyrisht do e krijonim. Me duket e ulët ta marrësh vulën në xhep. Më vjen keq që Bardhi ka shkuar në këtë veprim që thotë se vula është këtu. Ne po prodhojmë një vulë tjetër, është marrë vendimi.
