Pas deklaratës së Gazment Bardhit ku ftonte deputetët e grupit parlamentar në një mbledhje gjithëpërfshirëse, Lulzim Basha është vënë në lëvizje.
Newszone.al mëson se sot në orën 20.00, Lulzim Basha mbledh Kryesinë e PD.
Anëtarët e Kryesisë janë njoftuar vetëm pak minuta më parë.
Thirrja e Kryesisë nga Basha vjen pas deklaratës së Gazment Bardhit i cili ftoi grupin parlamentar të PD në një mbledhje gjithëpërfshirëse ditën e martë në orën 12.00.
Mbetet për t’u parë se çfarë do të vendosë Kryesia e PD në mbledhjen e vonë të kësaj të diele.
Një ditë më parë PD mblodhi Kuvendin Kombëtar ku u miratuan ndryshimet statore dhe u zgjodh Këshilli i ri Kombëtar.
Sipas statutit të ri, kreu i partisë është edhe kryetar i Grupit Parlamentar, funksion të cilin e mbante pikërisht Gazment Bardhi.
/ Newszone
