Partia Demokratike zyrtare mblodhi këtë të shtunë Kuvendin Kombëtar ku u miratuan ndryshimet statutore, ndërsa kreu i saj Lulzim Basha bëri deklarata të forta si dhe i kërkoi mbështetësve të foltores të bashkohen me demokratët.
Ndërsa pas mbledhjes së Kuvendit, Basha ka postuar një mesazh në Facebook ku thekson se nisi ndërtimi i një partie për qytetarët dhe jo për kryetarin.
Postimi i plotë
Pa qëndresën e anëtarëve dhe drejtuesve nga seksioni deri te kryesia e PD-së ne nuk do të ishim sot këtu për të ndërtuar të ardhmen, që t’ju shërbejmë njerëzve, që të hapen vende pune për të rinjtë tanë, që të rriten të ardhurat për familjet shqiptare, që ato të kenë arsim dhe shëndetësi më të mirë.
Për këtë nisim sot të ndërtojmë Partinë Demokratike moderne, partinë e qytetarëve dhe anëtarëve dhe jo partinë e kryetarit. Sepse kryetarët ikin e vijnë, por demokratët dhe Partia Demokratike do të jetë aty për të luftuar vetëm për të mirën e Shqipërisë dhe shqiptarëve! Mirënjohje për secilin prej tyre! 🇦🇱
#PartiaDemokratike #NdërtojmëtëArdhmen
