Kryetari i PD, Lulzim Basha ka bërë reagimin e parë në media pas lëvizjes së papritur të Gazment Bardhit i cili thirri mbledhjen e grupit parlamentar, ditën e martë në orën 12.00 te hotel Tirana.
Menjëherë pas këtij vendimi të Bardhit, Lulzim Basha njoftoi mbledhjen urgjente të Kryesisë së PD, ku pritet dalja me një qëndrim zyrtar.
Fillimisht Basha bëri edhe një postim në rrjetet sociale duke postuar një foto bashkë me shënimin se “PD ekziston si forcë politike për t’u shërbyer njerëzve, jo vetes tonë”.
Postimi
Arsyeja pse ekzistojmë si forcë politike është që t’ju shërbejmë njerëzve, jo vetes tonë! Qëllimi i ekzistencës sonë është që tju ofrojmë shqiptarëve alternativë për qeverisjen e tyre, zgjidhje për problemet e tyre, rrugëdalje për hallet e tyre, vizion për të ardhmen e tyre.
Ky do të jenë udhërrëfyesi në rrugën e re që nisëm sëbashku.
