Kryetari i Partisë Demokratike, Lulzim Basha ndodhet sot në Vlorë, ku është ndalur në familjen Radhima, familje kontributore në Pavarësinë e Shqipërisë.
Kreu u PD shprehet se “beteja për Shqipërinë demokratike dhe europiane është nderimi më i madh për sakrificat e tyre”.
“Sot përkulemi me respekt dhe mirënjohje të thellë kombëtare para heronjve të lirisë dhe pavarësisë, të bindur se beteja për Shqipërinë demokratike dhe europiane është nderimi më i madh për sakrificat e tyre”, – theksoi zoti Basha.
Kjo familje ka qenë bazë qëndrimi për Ismail Qemalin në periudha të vështira të viteve 1911-1912, regjimi komunist i burgosi, internoi dhe persekutoi pjesëtarët e saj, vetëm për shkak të bindjeve të tyre dhe qëndrimeve patriotike.
“Pavarësisht vuajtjeve dhe torturave, kjo familje kurrë nuk iu dorëzua regjimit. Vuajtjet e kanë bërë të forte e forca e saj është frymezuese, por shoqëria edhe pse kanë kaluar 33 vite nga rënia e regjimit komunist, u ka borxhe të mëdha të përndjekurve politikë.
Ata edhe sot përballen me ata që i persekutuan dhe përndoqën. E që historia e genocidit komunist në Shqipëri të mos gjejë kurrë, jo vetëm asnjë avokat, por asnjë personazh që ka lidhje me atë regjim, duhet rishikuar legjislacioni për pastërtinë e figurës së zyrtarëve”, – theksoi kreu i PD.
