TIRANË– Pas video-skandalit ku ish-kryebashkiaku i Kukësit Safet Gjici shfaqej duke kryer marrëdhënie seksuale në zyrën e tij me një vajzë faqja zyrtare e Bashkisë së Kukësit në rrjetet sociale këtë të shtunë ka fshirë të gjitha postimet ku shfaqej Gjici.
Ndërkohë mbrëmjen e djeshme vetë Gjici vendosi të bllokojë llogarinë e tij në Facebook pas komenteve negative. Pas videos Këshilli i Ministrave e shkarkoi Safet Gjicin nga detyra dhe pse ish-kryebashkiaku kishte dhënë dorëheqjen disa orë para vendimit të qeverisë.
Çështjen në ngarkim të ish-kryebashkiakut e ka marrë në dorë prokurorja e SPAK Manjola Kajana, e cila po kryen veprime hetimore, që nga sekuestrimi i regjistrit të hyrje-daljeve në bashki, pamje filmike e po ashtu edhe dokumente.
