Ekipi i Tiranës është shpallur për të dytin vit radhazi kampione e Shqipërise U16 për vajza. Me 12 fitore dhe asnjë humbje bardheblutë e kryeqytetit janë rikonfirmuar si ekipi më i mirë për të rejat. Pas fitores në gjysmëfinale me Teutën e Durrësit, Tirana është përballur në finale me “The Roses” e Përmetit me një rezultat final 81-43.
Ekipi i Tiranës drejtohet nga emra të njohur të basketbollit shqiptar. Ikona e basketbollit si lojtar dhe si trajner Roland Avrami, trajnerja e mirënjohur per femra Mirza Alibegaj si dhe trajneri i ri në moshë por i talentuar Olsi Muça.
Ekipi bardheblu përbëhet nga basketbolliste të talentuar si Tërshalla, Kreshpa, Lazo, Damo, Qoku, Dedja, Metkolli, Filopati, Aliko, Pacani, Boga, Asllani, Zoto etj.
Objektivi i radhës së ekipit është fitimi i kampionatit për U18 si dhe mbrojtja e titullit për herë të tretë radhazi.
