TIRANË– Dy persona kanë rënë në prangat e Policisë së Tiranës ditën e sotme pasi u kapën në flagramcë duke vënë baste sportive në lokale të ndryshme që kryejnë këtë aktiviet të jashtëligjshëm. Konkretisht në pramga ka rënë një 28-vjeçar me inicialwt L.Xh dhe një 44-vjeçar me inicialet A.M.
NJOFTIMI I POLICISË:
Goditen 2 raste të veprimtarisë së paligjshme të lojërave të fatit, në kuadër të operacionit policor të koduar “Fati i lojërave”. Vihen në pranga 2 shtetas që vinin baste sportive, me aparat celular. Sekuestrohen 2 aparate celulare. Shërbimet e Komisariatit të Policisë Nr. 1 dhe të Komisariatit të Policisë Nr. 6, në vijim të punës për goditjen e paligjshmërisë në fushën e lojërave të fatit, në kuadër të operacionit të koduar “Fati i lojërave”, kanë organizuar kontrolle në lokale dhe në ambiente të ndryshme, të cilat mund të vihen në dispozicion për organizimin e lotarive të palejuara. Si rezultat i kontrolleve janë evidentuar dhe goditur 2 raste të kësaj veprimtarie. Në vijim të veprimeve, nga shërbimet e Komisariatit të Policisë Nr. 1, u arrestua në flagrancë shtetasi L. Xh., 28 vjeç, banues në Tiranë, pasi u kap në një lokal, në rrugën “Petro Nini Luarasi”, duke vënë baste sportive, me aparat celular. Gjithashtu, nga shërbimet e Komisariatit të Policisë Nr. 6, u arrestua në flagrancë shtetasi A. M., 44 vjeç, banues në Tiranë, pasi u kap në një lokal, në rrugën “Loni Ligori”, duke vënë baste sportive, me aparat celular. Në cilësinë e provës materiale u sekuestruan 2 aparatet celulare.
