TIRANË– Gjykata e Tiranës ka shpallur të pafajshëm këtë të martë Fatjon Muratin ndërsa ka dënuar me 7 vite e 6 muaj burg Kristjan Gjinin, i cili akuzohet se ka ngritur një bazë armatimesh në Tiranë. Mësohet se para togave të zeza Kristjan Gjini ka pranuar se ishte ai përgjegjësi për bazën e armëve, ndaj edhe Prokuroria e Tiranës kërkoi 12 vite heqje lirie, por Gjykata ka vendosur ta dënojë me 7 vite e 6 muaj burg.
Ndërkohë sa i përket Fatjon Murati, lokali i të cilit pak muaj më parë u sulmua me armë, sulm nga i cili mbeti e vrarë banakierja e lokalit Gjykata e ka cilësuar të pafajshëm, duke rrëzuar kërkesën e bërë nga akuza, e cila kërkoi 3 vite heqje lirie për të. Ky i fundit momentalisht është nën arrati pasi ka thyer masën e sigurisë “Arrest shtëpie”.
