Komisioneri për Zgjerim të Bashkimit Evropian, Oliver Varhelyi, thotë se në tetor do të prezantohen propozime thelbësore për zgjerim. Ai ka shpërndarë intervistën e tij dhënë për Euractiv, ku flet për hapat e mëtutjeshëm pas premtimit që iu dha vendeve aspiruese se anëtarësimi në BE mund të ndodhë deri në vitin 2030.
“Ne do të vendosim gjithçka mbi tavolinë që ta bëjmë të mundur zgjerimin, por vendimi është i vendeve anëtare”, shkroi Varhelyi në “X”.
Në tetor Komisioni Europian del me plan të ri për anëtarësimin e vendeve kandidate në BE
Komisioneri për Zgjerim të Bashkimit Evropian, Oliver Varhelyi, thotë se në tetor do të prezantohen propozime thelbësore për zgjerim.
Ai ka shpërndarë intervistën e tij dhënë për Euractiv, ku flet për hapat e mëtutjeshëm pas premtimit që iu dha vendeve aspiruese se anëtarësimi në BE mund të ndodhë deri në vitin 2030.
“Ne do të vendosim gjithçka mbi tavolinë që ta bëjmë të mundur zgjerimin, por vendimi është i vendeve anëtare”, shkroi Varhelyi në “X”.
Ai i ka thënë Euractiv-it se zgjerimi i BE-së deri më 2023 është i realizueshëm, por vetëm nëse vendet kandidate dhe vetë blloku i “dyfishojnë përpjekjet e tyre”.
Vitin 2030 e dha si afat Presidenti i Këshillit Evropian, Charles Michel gjatë kësaj jave, duke thënë se shtetet e Ballkanit Perëndimor dhe vendet e tjera kandidate duhen të jenë gati brenda shtatë viteve të ardhshme.
Komisioneri për Zgjerim, thotë se objektivi i dhënë nga Michel është i realizueshëm, megjithatë ai shton se nuk duhet të insistohet në afate të caktuara.
Sipas Varhelyit, zgjerimi deri në vitin e dhënë si afat nënkupton edhe përshpejtimin përpjekjeve për reforma në institucionet e BE-së.
Janë tetë kandidatë të njohur për anëtarësim në Bashkimin Evropian: Turqia (që nga viti 1999), Maqedonia e Veriut (2005), Mali i Zi (2010), Serbia (2012), Shqipëria (2014), Moldavia (2022), Ukraina (2022) dhe Bosnjë dhe Hercegovinë (2022). Kosova (pavarësia e së cilës nuk njihet nga pesë shtete anëtare të BE-së) dhe Gjeorgjia dorëzuan zyrtarisht aplikime për anëtarësim në vitin 2022 dhe konsiderohen kandidatë potencial nga Bashkimi Evropian.
Plani propozues në tetor
Varhelyi njofton se në tetor, kur Komisioni Evropian pritet ta prezantojë raportin e përvjetshëm të progresit për të gjitha shtetet në procesin e anëtarësimit, ekzekutivi i BE-së do të dalë me “propozime thelbësore”.
“Ne jemi të gatshëm që të dalim me propozime të reja dhe me ide të reja”, thotë komisioneri.
Sipas tij, plani do të përfshinte parimisht një “Plan të rritjes”, tashmë të zbuluar nga Presidentja e Komisionit Evropian, Ursula von der Leyen në maj, përmes së cilës BE-ja kërkon t’i rrisë investimet në Ballkanin Perëndimor dhe të ulë ndikimin ekonomik të luftës së Rusisë në Ukrainë.
“Do të përfshijë gjithçka, nisur nga reformat në sundimin e ligjit, demokraci, reformat ekonomike dhe integruese, zhvillimin e klimës për investitorë dhe të sigurojë – kjo është gjithashtu e rëndësishme – mbështetjen e nevojshme financiare, për t’i mbyllur mungesat zhvilluese para se të bëhen shtete anëtare”, thotë ai.
