TIRANË– Presidenti Bajram Begaj ka reaguar pas mbylljes së procesit të votimit në të gjithë vendin. Përmes një postimi në rrjetet sociale Kreu i Shtetit shprehet se votuesit folën dhe tanimë është koha që vota e tyre të numërohet drejt dhe pa vonesë.
POSTIMI:
Falenderoj të gjithë shqiptarët të cilët votuan sot me përgjegjësi e dinjitet, duke përmbushur kështu një të drejtë kushtetuese, por edhe një detyrim moral e qytetar ndaj vendit. Në këtë moment të fillimit të numërimit të votave, si dhe të nxjerrjes së rezultateve, ju bëj thirrje të gjithë të përfshirëve në këtë proces që të kryejnë detyrën e tyre me përgjegjësi, ndershmëri e profesionalizëm, duke siguruar e garantuar vullnetin e shprehur me votë të qytetarëve shqiptarë.
Votuesit shqiptarë folën! Është koha që vota e tyre të numërohet drejt dhe pa vonesë.
