TIRANË– Presdienti i Republikës Bajram Begaj ka vendosur që dhe këtë herë të mos i dalë kundër kryeministrit Edi Rama sa i përket dekretimit të ligjeve pavarësisht kontenstimeve të palëve të interesuara dhe opinionit publik. Kështu këtë herë Kreu i Shtetit ka ‘’miratuar’’ në heshtje ligjin për kultivimin e kanabisit mjekësor dhe ligjin që i detyron studentët e mjekësisë të punojnë për 5 vjet në Shqipëri, pasi mbarojnë studimet, me kusht që të marrin diplomat, miratuar vetëm me vota e maxhorancës në Kuvend.
Afati që kishte Presidenti për dekreduar ligjet mbaroi një ditë më parë, në këtë mënyrë ligji ka kaluar në heshtje. Kështu Bajram Begaj në cilësinë e Presidentit nuk ka dashur të “prishet” as me Ramën por as me strudentët që i priti në takim dhe i garantoi se ai dhe institucioni që ai drejton do ti shqyrtonin me kujdes të gjithë argumentet e paraqitur prej tyre por dhe prej qeverisë.
Në vapën e gushtit, me administratën që ka marrë pushimet, me auditorët e boshatisur dhe me opozitën që po merret me akuzat mes vetes, Kreu i Shtetit vendosi që ashtu si dhe thënie e vjetër popullore “Mirë me vjehrren, mirë me burrin” të mos ia prishë askujt dhe ti kalojë në heshtje ligjet pavarësisht se detyra e lartë ia kërkon të jetë mbi palët.
I vetmi rast deri më tani kur Presidenti i ka dëlë “kundër” maxhorancës socialiste që e propozoi dhe e votoi për President ka qenë ligji për dekoratat shtetërore, që sipas Kreut të Shtetit qeveria merrte kopetencat e tij. Vetëm kur e ndjen vetën në “rrezik” Begaj vendos të reagojë. A i preu në besë Begaj studentët? Kjo u mbetet atyre ta gjykojnë që ashtu si qeveria dhe administrata kanë marrë poushimet./Newszone
