TIRANË– Presidenca ka reaguar këtë të premte në lidhje me refuzimin e ftesës që Kreu i Shtetit Bajram Begaj i bëri fresës së kryeministrit grek Kyriakos Mitsotakis sa i përket një takimi informal në Athinë me homologët e Serbisë, Kosovës, Maqedonisë së Veriut dhe Bosnjes së Hercegovinës. Presidenca bën me dije se mospjesëmarrja e Begajt lidhet me axhendën e përcaktuar kohë më parë. Me sa duket përplasjet për arrestimin e kryebashkiakut të Himarës Fredi Beleri kanë bërë që Mitsotakis të mos i dërgojë ftesë kryeministrit Edi Rama.
Presidenca: Në përgjigje të interesit tuaj ju bëjmë me dije, se më 14 gusht 2023, Kryeministri i Greqisë, Kyriakos Mitsotakis, i ka derguar një ftesë Presidentit të Republikës, Sh.T.Z. Bajram Begaj, për të marrë pjesë në një darkë informale, më 21 gusht 2023, në Athinë. Një ditë më pas, më 15 gusht 2023, Presidenti Begaj në përgjigjen e dërguar, pasi vlerësoi vëmendjen që Kryeministri grek Mitsotakis i kushton zhvillimeve të lidhura me sigurinë e Evropës, shprehu gjithashtu keqardhjen për pamundësinë e pjesëmarrjes për shkak të një agjende të përcaktuar më herët.
Ftesës së kryeministrit i janë përgjigjur presidentja e Komisionit Evropian, Ursula von der Leyen dhe presidenti i Këshillit Evropian, Charles Michel. Në takim do marrin pjesë: Presidenti i Serbisë Aleksandër Vuçiç, i Malit të Zi Jakov Milatovic, kryeministri i Maqedonisë së Veriut Dimitar Kovacevski, i Kosovës Albin Kurti, kryetarja e Këshillit të Ministrave të Bosnjës dhe Hercegovinës Borgiana Christo.
