Në Gjykatën Administrative të Tiranës, zhvillohet sot seanca, pas kallëzimit të Fredi Belerit ndaj Presidentit Bajram Begaj, për dekretin e 4 gushtit të zgjedhjeve në Bashkinë e Himarës.
Beleri ka kërkuar shpalljen të pavlefshëm të këtij dekreti, pasi sipas tij, janë shkelur të gjitha procedurat dhe dispozitat ligjore për caktimin e datës së zgjedhjeve.
Sipas palës paditëse, avokatja Klodiana Gjyzari ka argumentuar se Fredi Beleri pas vendimit të KQZ, i cili shpalli të pavlefshëm mandain e tij, ka të drejtë të ankimojë vendimin deri më datë 5 gusht.
“Për aq kohë sa është ky afat, Beleri mund të bej ankim në çdo moment, pra ne kërkojmë të vendoset sigurimi i padisë, pasi nuk janë ezauruar të gjitha hallkat, për çështjen e zgjedhjeve”, është shprehur ajo.
Ndërkohë, pala e presidencës argumenton se “nuk mund të kërkohet shfuqizimi i aktit ose pavlefshmëri akti, nuk mund të kërkohet antikushtetueshmëri e dekretit, pasi nuk është kjo gjykatë kompetente. Ky dekret nuk është akt administrativ”.
“Beleri nuk mund të jetë kandidat në këto zgjedhje për shkak të ligjit të dekriminalizimit, Beleri ka të drejtën për të shkuar në KAS, paditësi legjitimohet pasi të ketë ezuaruar të gjitha shkallët e tjera të ankimit”, thotë përfaqësuesi i Presidencës.
Pala paditëse, Avokatja Klodiana Gjyzari: Dekreti 244 ka të bej me zhvillimin e zgjedhjeve ne 4 gusht ne Himare. Nuk është bërë ende i ekzekutueshëm përfundimi i mandatit të Fredi Belerit, pasi nuk i ka kaluar të gjitha hallkave te gjyqësorit. Ne pretendojmë se Fredi Beleri ka mandat të vlefshëm pasi ai ka të drejtën e ankimit brenda afatit 30 ditore në KAS, Beleri ka afat deri në 5 gusht, afat për të bërë ankim.
Për aq kohë sa është ky afat, Beleri mund të bej ankim në çdo moment, pra ne kërkojmë të vendoset sigurimi i padisë, pasi nuk janë ezauruar të gjitha hallkat, për çështjen e zgjedhjeve.
Nuk është zbatuar neni 10 i kodit zgjedhor pasi nuk janë kushtet dhe kriteret ligjore që Presidenti të shpallë zgjedhjet. Presidenti nuk është vënë në lëvizje nga një shkresë e këshillit të ministrave, por nga sekretari i këshillit të ministrave, ky i fundit s’ka kompetencë për të komunikuar me Presidentin e Republikes, por me presidentin për kërkesa të tilla duhet të komunikoje kryetari i këshillit të ministrave.
Institucioni i presidentit është pozicion neutral dhe duhet të jetë mbi palët, presidenca nuk duhet ta kishte pranuar shkrese pa firmën e kryetarit te këshillit të ministrave.
Kryetari i bashkisë shkarkohet me kushte specifike pasi ai është i zgjedhur në mënyrë të drejtë e për drejtë nga populli, zgjedhjet duhet të kryen ne baze te ligjit, këto zgjedhje rrjedhin nga një akt i paligjshëm, ne kërkojmë shfuqizimin e dekretit të Presidentit te Republikës.
Zgjedhjet në bashkinë Himarë të jenë të ligjshëm dhe me pas të jenë të lira, në themel të tyre ka një akt që ka shkelë të ligjin.
Presidenca: Pasi jemi njohur me kërkesa padi, kemi konstatuar se padia ka të meta në përmbajtjen e saj, e ka cilësuar anti kushtetuese dekretin numër 244, por si baze ligjore ka referuar ligjin për çështjet administrative, është një objekt padie i paformuar qartë nga ana e paditësit. Nuk mund te kërkohet shfuqizimi i aktit ose pavlefshmëri akti, nuk mund të kërkohet antikushtetueshmeri e dekretit pasi nuk është kjo gjykate kompetente. Ky dekret nuk është akt administrative.
Dekreti për zgjedhjet është aktaministrative kolektive, qe ju drejtohet te gjitha partive dhe personave, personi i trete nuk mund te jete KQZ por partitë politike ose kandidatet, ose partitë që kanë përfaqësuesit e tyre të përhershëm ne KQZ. Gjykata nëse regjistron si paditës PPDNJ atëherë duhet te thërras si pale e trete te gjitha partitë politike te regjistruar ne KQZ qe do te marrin pjese ne këto zgjedhje.
Beleri nuk mund te jete kandidat në këto zgjedhje për shkak te ligjit për dekriminalizimit, Beleri ka te drejtën për te shkuar ne KAS, paditësi legjitimohet pasi te ketë ezuaruar të gjitha shkallet e tjera te ankimit. Mandati është i kryetarit te bashkisë dhe jo i subjektit politik, pra partia PBDNj nuk ka interes te ligjshëm për mandatin e kryetarit te Bashkisë Himare. Te mos legjitimohet Fredi Beleri dhe Partia PPDNJ, për shkak se nuk ekziston baza ligjore.
