Kryeministri Edi Rama foli me tone të ashpra nga Asambleja Kombëtare e PS, lidhur me ndërhyrjet e Athinës zyrtare në procesin e Fredi Belerit, i cili ndodhet pas hekurave që prej mbrëmjes së 12 majit, me akuzën e blerjes së votave.
Rama i kërkoi Greqisë që të mos përzihet me drejtësinë në Shqipëri.
Ai theksoi se kandidati i “Bashkë Fitojmë” në Himarë u arrestua në flagrancë duke blerë vota.
“Kryebeteja jonë, ëshë drejtësia e pavarur”, tha Rama.
“Shikoj me kujdes se ça po diskutohet sot mes nesh dhe Greqisë, se çfarë pala greke po kërkon prej nesh. Pala greke nuk dëgjon asnjë argument por vetëm këmbëngul. Duhet ta zgjidh siç e mendojnë ata një çështje që organet e reja të drejtësisë kanë marrë vendimet e tyre dhe kanë dhënë vendimet e tyre. S’dua të përsëris çfarë kam thënë për çështjen. S’kemi asnjë debat real për të zhvilluar me palën greke për çështjen e drejtësisë. Kjo qasje e palës greke tregon se raporti i përmbysur i pushtetit tonë politik me drejtësinë po kalon përmes një sprove shumë të fortë. Qasja jonë është e re në historinë e pushteti politik. Për të mos u përzier në punët e organeve të drejtësisë por për ti mbështetur dhe inkurajuar ato pa kushte, në veprimtarinë e tyre agresive kundër korrupsionit krimit të organizuar është një qasje që bie ndesh shumë brutalisht me historinë e tmerrshme të një historie 100 vjeçare.
Ajo histori i ka mësuar njerëzit brez pas brezi. Shumë mendojnë se pushteti politike tërheq prej hunde pushtetin gjyqësor. Sipas këtij mësimi të vjetër ky i fundit fishkëllen penalltinë e shkeljes së ligjit dhe sipas interesit të skuadrës dhe karriges së vetë e gjuan vetë topin e drejtësisë. Shkurt muhabeti mësimi është bëni si themi ne mos bëni si bëjmë ne. Kështu mendojnë edhe ata që u fryjnë në vesh fqinjëve grekë nga larg dhe nga afër, qofshin politikanë me foltore dinjiteti apo me mikrofonë, analistë, ekspertë ligjorë, avokatë të një të arrestuari në flagrancë për blerje votash të cilit i kanë marrë në administrim edhe faqen në facebook ku postojnë për hesat të tyre letrat e tij nga qeveria dhe shkruajnë se ai ndjehet si thoi i një luani. Këta shqipfolësit janë të tërë në të drejtën e tyre, grekët po se po, po këta që ta abuzojnë lirinë e shprehjes sa të kenë fuqi“, tha Rama.
