Një 80-vjeçar nga Belshi, i cili ishte larguar nga banesa, dyshohet të jetë mbytur në ujërat e lumit Devoll.
Sipas burimeve nga Policia, i moshuari është larguar nga banesa e tij në datën 31 gusht dhe nuk është kthyer më në shtëpi.
Më pas i biri ka njoftuar autoritetet, të cilat kanë nisur kërkimet për të moshuarin dhe familjarët kanë deklaruar se shtetasi i moshuari R. A., kishte probleme të shëndetit mendor.
Gjithashtu mësohet se autoritetet kanë nisur kërkimet përgjatë rrjedhës së lumit për gjetjen e trupit të 80-vjeçarit.
Njoftimi i policisë:
Belsh-Shtetasi T. A., 50 vjeç, ka njoftuar sallën operative, se në rrjedhën e lumit Devoll, dyshohet se është mbytur babai i tij, shtetasi R. A., 80 vjeç, banues në fshatin Rrenas, Belsh, i cili që prej datës 31.08.2023, ishte larguar nga banesa dhe nuk ishte kthyer më.
Shërbimet e Policisë kanë shkuar menjëherë në adresën e dhënë dhe sëbashku me familjarët kanë nisur kërkimet përgjatë rrjedhës së lumit.
Familjarët kanë deklaruar se shtetasi R. A., kishte probleme të shëndetit mendor.
Vijonë kërkimet në të gjithë rrjedhën e lumit, me qëllim gjetjen e trupit të 80-vjeçarit.
