ELBASAN- Një 30-vjeçar i identifikuar me inicialet E.S ka rënë në prangat e policisë pasi dyshohet se është autor i disa vjedhjeve. I riu ka qenë dhe më parë i dënuar për vjedhje. Policia bën me dije se me datë 09.01.2023, gjatë natës, dyshohet se ka vjedhur produkte ushqimore, në një dyqan; me datë 08.01.2023, dyshohet se ka vjedhur vegla pune, në një dyqan, në lagjen “Partizani”; po me datë 08.01.2023, në lagjen “Syrja Dylgjeri”, dyshohet se ka vjedhur baterinë e një makine; ndërsa me datë 04.01.2023, dyshohet se ka vjedhur një shumë parash dhe steka cigaresh, në një dyqan, në lagjen “Skënderbej”.
