TIRANË– Prokuroria e Posaçme Kundër Korrupsionit dhe Krimit të Organizuar (SPAK) ka kërkuar këtë të enjte tre vite burg për Ibrahim Lekicën i njohur edhe me emrin Ibrahim el Salih. Lekica akuzohet për veprën penale të “Nxitja, thirrja publike dhe propaganda për kryerjen e veprave me qëllime terroriste”, pasi bënte thirrje terroriste në rrjete sociale.
Sipas Prokurorisë së Posaçme postimet e Lekicës në Facebook përmbanin elementë të deformimit të koncepteve fetare, të propagandës ekstremiste dhe nxitëse të urrejtjes. Ibrahim Lekixa u bënte thirrje që ndjekësit e tij të përkrahnin “xhihadin”, shtetin Islamik të Irakut.
