MALIQ– Një 30-vjeçar i identifikuar me inicilaet D.K ka mbetur i plagosur rëndë këtë të premte si pasojë e një aksidenti. Raportohet se mjeti tip “Benz” me të cilin ai udhëtonte ka dalë nga rruga në aksin Gramsh-Moglicë duke përfunduar jashtë saj. Mësohet se për shkak të dëmtimeve të marra i riu është dërguar drejt Spitalit të Traumës për të marrë kujdes më të specializuar mjekësor. Policia ndodhet në vendin e ngjarjes dhe po punon për zbardhjen e shkaqeve të aksidentit.
NJOFTIMI I POLICISË:
Maliq/Informacion paraprak. Sot në aksin rrugor Gramsh-Moglicë, shtetasi D. K., 30 vjeç, banues në fshatin Nartë, Gramsh, duke drejtuar automjetin tip “Benz”, dyshohet se ka humbur kontrollin mbi drejtimin e automjetit dhe automjeti ka dalë nga rruga. Për pasojë është dëmtuar vetë drejtuesi D. K., i cili u transportua në spitalin e Traumës Tiranë, ku ndodhet jashtë rrezikut për jetën. Grupi hetimor po punon për përcaktimin e shkaqeve të aksidentit.
