Real Madrid me mungesa kërkon të mbajë hapin e Barcelonës në duelin që do të nisë në orën 18:30, përballë Almerias në Stadiumin Santiago Bernabeu. Në këtë takim të javës së 32-të të kampionatit spanjoll, tekniku i kryeqytetasve Carlo Ancelotti, do të jetë i detyruar të luajë pa një prej lojtarëve më të rëndësishëm të ekipit, kroatin Luka Modric, i pamundësuar për të qënë pjesë e takimit për arsye të një dëmtimi.
Ky problem fizik i një-herë fituesit të Topit të Artë (2018), i jep mundësinë e aktivizimit nga minuta e parë, ish-lojtarit të Betis, Dani Ceballos. Spanjolli do bëjë çmos që të fitojë besimin e trajnerit, për t’u bërë një titular fiks i formacionit të klubit 14-herë kampion europian.
Në ndeshjen e sotme, rikthehet në portë, belgu Courtois, i ndihmuar nga katër mbrojtësit, Vazques, Militao, Rudiger e Camavinga. Në mesfushë, sëbashku me të lart përmendurin Ceballos janë dhe, Kroos e Tchouameni. Në sulm do të jetë “treshja e mrekullive”, Vinicius, Rodrygo dhe i rikthyeri Karim Benzema.
Ndërkohë, Almeria vjen në sfidën e sotme me këtë formacion:
Martinez, Mendes, Ely, Chumi, Akieme, Puigmal, Portillo, de la Hoz, Costa, Ramazani, Lazaro
/newszone.al
