TIRANË- Fotini Derxho, influencer, në një intervistë për “Stay Tuned” me moderatoren Valbona Mhilli foli mbi përvojën e saj në Big Brother VIP Albania. Derxho thotë se po të kishte më shumë kohë për ta menduar, ndoshta nuk të hynte sërish në këtë format.
Ajo thekson se konkurrentja nga Kosova Nita Latifi e meritonte finalen. Sa i takon konkurrentes Olta Gixhari, Derxho thotë se ajo mendon se Big Brother s’ka përfunduar ende.
E pyetur me periudhën post-Big Brother, Derxho thotë:
“Kemi pasur shumë presion sepse është ndryshe se si shihet, dhe si ndihet dhe përjetohet aty brenda. Ka pasur stres nuk mund të themi që është gjithçka një fluskë dhe kalon vetëm bukur aty brenda. E shikon veten tënde në ca pika që ose do japësh dum, do bësh situata, debate, ose do rrish në hije dhe të presësh të dalësh”.
Teksa u ndal te konkurrentja Olta Gixhari, ajo shprehet:
“Olta mendon akoma se është në Big, se s’ka mbaruar Bigu, dhe për shkak të profesionit i ka mbetur kjo e protagonizmit, që do të vendosë pikën në çdo muhabet. Nuk më erdhi mirë mënyra si e trajtoi Gertin kur po fliste. Sepse edhe Gerti ka të drejtë fjale”.
Ajo shtoi se nuk ka sens që banorët e rinj u cilësuan fansa të Luizit vetëm pse s’i mbështesnin lojën Oltës. Fotoni vë në dukje se Latifi e meritonte finalen në Big Brother VIP.
“Personalisht jo se kam diçka me Efin, absolutisht, jemi rritur të dyja në Greqi dhe kemi gjëra të përbashkëta, është shumë e fortë, po do doja ta kishte kapur Nita finalen. Për qëndrimin e saj. Ka qenë gocë shumë korrekte, shumë punëtore. E meritonte pak fare më shumë, se s’dua t’i hedh poshtë Efit absolutisht”.
E pyetur pse pranoi të bëhej pjesë e formatit, ajo thotë:
“Mendoj që ishte pak vendim i nxituar nga ana ime, por s’kam pasur kohë. Vendimi dhe zbatimi u bë brenda 3 ditësh. Nëse do të kisha më shumë kohë ta mendoja, ndoshta nuk do të kisha shkuar. Nuk ka ndonjë arsye konkrete përse shkova. S’mund të them që e kam bërë për vëmendje. Thjesht ma dha truri të vete dhe ta shikoj. I vetmi që lëvizte gurët atje ishte Luizi”.
Ajo tregoi se vendimi për t’u ndarë nga ish-partneri, Danieli, ishte i përbashkët dhe nuk mban më kontakte me të, por vetëm me familjen e tij.
Fotini u ndal dhe tek familja dhe si e ka pritur ajo këtë eksperiencë. Ajo tregoi se ka marrë kritika nga ana e familjarëve nga ana e babait, pasi tregoi se vëllai i saj kishte qenë në burg, apo situatën që çoi në divorcin e prindërve.
“Familjarëve nga ana e babit nuk u erdhi mirë se jetojnë në Gjirokastër dhe komentohen. Por kështu ka ndodhur, kështu ka qenë fëmijëria ime, prindërit e mi. Unë e kam baba, në venat e mia kam gjakun e tij. Nuk thashë që nuk e dua babanë në asnjë moment. E dua, por rrethanat janë të tilla që unë jam shumë e lënduar. Kam të drejtat e mia të përjetojë ndjesitë e mia. E dua shumë babin tim, dua të jetë mirë atje ku është, mjafton të mos na bëjë më situata. Nuk jemi takuar, thjesht më kanë kontaktuar dhe më kanë thënë kam bërë gabim që kam treguar historinë se ndoshta dhe atje ku jeton do gjykohet”.
Në emisionin “Stay Tuned” në MCN Tv, Fotini tha se nuk është në një lidhje, por se pavarësisht kësaj ndihet e plotësuar në çdo aspekt. Ndër të tjera tregoi se tradhtinë nuk do e falte, pasi sipas saj, ndodh me vetëdije të plotë.
“Unë nuk mund të jetoj me dyshime. Mund të jenë rrethana të ndryshme, por me këto mend që kam sot nuk e fal. Dua që një njeri të jetë shumë i sigurtë që më do mua. Gjithmonë ngelet ajo ndjesia mbas”.
