BERAT– Një aksident i rëndë është regjistruar pasditën e kësaj të hëne në Berat. Raportohet se një 45-vjeçare ende e paidentifikuar është përplasur nga një makinë në qendër të qytetit teksa po kalonte në vizat e bardha. 45-vjeçarja është dërguar me urgjencë në spital ku ndodhet në kujdesin e bluzave të bardha.
Mësohet se për shkak të dëmtimeve të shumta të marra nga përplasja ajo është dërguar drejt spitalit të Traumës për një kujdes më të specializuar. Policia ende nuk ka dalë me një njoftim zyrtar në lidhje me aksidentin dhe shkaqet e tij por raportohet se dyshohet se shkak për këtë aksident të jetë bërë shpejtësia e lartë e mjetit.
Grupi hetimor ndodhet në vendin e ngjarje dhe po punon për zbardhjen e plotë të shkaqeve të aksidentit.
