TIRANË– Kryetari i Partisë Demokratike Sali Berisha ka akuzuar sërish ditën e sotme kryeministrin Edi Rama dhe ministrat e qeverisë për luks të shfrenuar. Në një postim në Facebook Berisha shkruan se ministrat e qeverisë kanë braktisur Montekarlon për Dubain, për të festuar Vitin e Ri. Sipas kreut të PD-së kjo zgjedhje nga ana e ministrave vjen pasi në Dubai ka gjallëruar jeta e luksit fill pas luftës në Ukrainë. Në fund të postimit të tij kryedemokrati shkruan ky vit i ri në luks të shfrenuar në Dubai është fillimi i fundit të shpejtë të elitës së qeverisë shqiptare.
POSTIMI I SALI BERISHËS:
Pse e braktisën këtë vit te Ri zyrtarët e lartë dhe qeveritarët shqiptarë Montekarlon për Dubain.
Të dashur miq, dëshmitarë të besueshëm që vizituan këtë fundviti Montekarlon, konfirmuan se ky qytet këtë vit u braktis jo vetem nga multimiliardierët rus, por habiteshëm edhe nga ministrat dhe zyrtarët e lartë shqiptarë që ia thonë me pasion çmendurisht bixhozit, madje jo vetëm famozët e tipit Ahmeti,Klosi, Shalsi dhe zonajt ministre të llojit Erisa… . Kjo braktisje e Montekarlos, kryeqytetetit të bixhozit dhe luksit europian nga ministrat, zyrtarët dhe deputetët e Partisë Socialiste sipas specialistëve të turizmit lidhet para se gjithash me rënien dramatike të kësaj epiqendre të luksit, ahengut, bixhozit dhe teprisë së kontinentit tonë pas vendosjes së sanksioneve ndaj multimiliardierëve rusë nga BE dhe SHBA, pas sulmit barbar të Rusisë ndaj Ukrainës, çka shënoi një rënie të madhe dhe të gjithanshme të jetës dhe veprimtarisë së Mantekarlos dhe gjallerimin e pa parë të Dubait nga klientët e rinj. Sipas menaxherve të hoteleve, rusët janë shkaku kryesore, por këtë vit aty mungojnë edhe bjellorusët, serbët dhe shqiptarët.
Perveç këtyre një shkak tjetër kryesor i braktisjes së Montekarlos nga narko qeveritarët e Edi Ramës qëndron në faktin se në këtë qytet shtet nuk pranohen pagesa me para në kesh kurse në Dubai udhëton lireshëm me thasë e baule plot me euro ose me kuletën dixhitale plot me bitcoin dhe paguan çdo gjë pa asnjë lloj kërkese për origjinën e parave kesh.
Xhelozia ndaj Msr Hedonizmit siç thërrasin Ballukun për biftekun e saj 1000 euro në pjatë në restorantin e Nusret Bei Kripës është bërë nxitje dhe trend për elitën e degraduar të rilindjes e cila preferon tashmë për inat të saj vetëm restorantin e Nusret Bej Kripës në Dubai dhe jo gjetiu për të shijuar si Belinda biftekun 1000 dollar. Sidomos zonjat ministre dhe të tjera janë të sëmura nga nepsi i biftekut të Bellës! Dhe vetëm për këtë arsye ato e kanë një udhëtim në Dubai dhe një drekë në restorantin e Nusret Bej Kripës një voyage en rêve (udhëtim në ëndërr) dhe një drekë si në qiellin e 7të.
