TIRANË– Kryetari i Partisë Demokratike Sali Berisha ka hedhur akuza të forta ndaj ministrit të Brendshëm Bledi Çuçi. Gjatë fjalës së tij në Kuvend kryedemokrati është shprehur se pas laboratorit të kokainës në Fier qëndron ministri i Brendshëm Bledi Çuçi dhe këshilltari i tij, Arianit Arapaj.
Nga foltorja e Kuvendit Berisha lexoi mesazhin që kishte marrë nga një qytetar. Ai i shkruante kreut të PD-së se shefi i policisë Edmond Targaj, ishte urdhëruar nga Arapaj, këshilltari i Çuçit që të mos e ‘prekte’ laboratorin në fjalë. Sipas Berishës, urdhri ishte dhënë nga Çuçi dhe duhej zbatuar.
Sali Berisha: Nuk ka moral këtu. Ku është kjo. Ke shkuar për të takuar Viktorin në burg apo jo. Thuaja pak shqiptarëve, çfarë lidhje ke me 5 tonët e drogës që erdhën në çervenakë. Ku e keni atë çuçin e familjes. A e dini e kujt ishte sera e Beratit, ua them unë. (Lexon mesazhin) Mirëmbrëma doktor, me datën 11 nëntor në Berat është goditur një serë e kultivimit të kanabisit dhe janë sekuestruar mbi 2 ton kanabis dhe sasi e tërë e bërë gati për mbjellje. U përjashtuan e gjithë policia gjithë zinxhiri drejtues i Policisë së Beratit, vetëm drejtori i policisë Edmond Targaj u kalua në Akademinë e Policisë. Nga informacion 100% i sigurtë doktor, drejtori i Beratit ishte drejtues dhe menaxher i aktivitetit kriminal. Por në këtë situatë Edmond Targaj shkoi tek ministri i familjes Çuçi dhe i tregoi se unë nuk kam bërë gjë tjetër se vetëm kam zbatuar porosinë e bosit të drogës në ministri, Aranit Arapi, i cili më ka folur në emër tuaj dhe i tregoi komunikimin me sms. I tregoi komunikimin me sms, në të cilën Arapi i thoshte se ministri kërkon që ajo sera të mos preket. Dhe ky, pas kësaj bisede anuloi menjëherë e Targës nga Policia e Shtetit.
–
