TIRANË– Vijon me tensione seance plenare e kësaj të enjteje në Kuvend. Gjatë fjalës së tij kryetari i Partisë Demokratike Sali Berisha u ndal tek tensionet në veri të Kosovës ku dhe hodhi akuza ndaj kryeministrit Edi Rama. Sipas tij ndërhyrja e këtij të fundit në çështjet e brendshme të Kosovës është e gabuar dhe i shërben vetëm presidentit serb Aleksandër Vuçiç. Ndërsa sa i përket draftit të propozuar nga kreu i qeverisë për situatën në veri, Berisha tha se është marrë nga sirtaret e Beogradit dhe nuk ka asnjë vlerë.
Por përgjigjen e mori nga minsitrja e Shtetit për marrëdhëniet me parlamentin Elisa Sopiropali. Kjo e fundit akuzoi Berishën se ka sjellë vetëm përçarje mes Shqipërisë dhe Kosovës. Sipas saj Sali Berisha flet për Kosovën sa herë i mblidhet “laku në fyt” nga ndërkombëtarët.
Sali Berisha: Drejtuesja e seancës, kryetarja e Kuvendit pak minuta më parë u shpreh se Kosova nuk duhet të bëhet çështje e problemeve të brendshme. Mendimi im dhe i PD, ka qenë dhe është se Kosova është vend i pavarur dhe me qeveri legjitime dhe se në dialogun e saj me Serbinë, Shqipëria nuk duhet të implikohet dhe përzihet. Nuk ka shqiptar që beson se ka qëllime të tjera, veçse për të ndihmuar me çdo kusht padronin e tij, argat i të cilit është. Ndonëse u zhvilluan negociata në Bruksel, mu kërkua që të ndërhy dhe refuzova në mënyrë të prerë se ai nuk ishte në interes të negociatave. Gjithçka ndryshoi me takimin e Ramës ne Beograd. Pas asaj vizite ai u bë një zëdhënës i neveritshëm, avokat i turpshëm i të gjitha projekteve të Serbisë së Madhe me të cilat e vërteta është se u ç’bënë ato suksese që u arritën, përfshi këtu dhe marrëveshjen e përgjithshme. Dolën skenarë që Vuçiçi nuk i shiste dot më parë. Rama e mori me pasion të madh këtë skenar dhe unë ju them shqiptarëve se pas hartave të ndryshimit të kufijve, kishte një qëllim, zhvleftësimin e pavarësisë së Kosovës, dhe ndarjen e saj mes Serbisë dhe Shqipërisë. Por ky projekt u hodh poshtë falë kancelares Angela Mercek dhe nga komuniteti ndërkombëtar. Nuk humbën asnjë minutë kohë dhe nxorën Mini-Shengenin në të cilin hartën që vendosën në platformën e samitit, Kosova ishte zhdukur. Një muaj më parë dosja e McGonigal tani është shkrirë me dosjen ruse. Ky peshk i madh nuk binte kollaj në duart e Edi Ramës, por dikush e solli atë. Ata që e sollën janë në dosjen Deripaska, koha do ta provojë. Ndaj dhe Edi Rama ka humbur dhe kur del në media del sterrë i zi. Tani, rrëmbimi i policëve të Kosovës përbën një akt terrorist, një shkelje e rezolutës së Kosovës. I bëj thirrje KFOR, komunitetit ndërkombëtar të ndërhyjë për lirimin e menjëhershëm të policëve të rrëmbyer, të rikthehen në vendim e tyre. Dhe dënim për atë që sillet si një fqinj zuzar që nuk njeh ligj të brendshëm dhe të jashtëm. Aleksandër Vuçiç, ‘Putini i Vogël’.
Elisa Spiropali: Ai projekton fajet, gabimet vërejtjet e ndërgjegjes së tij tek tjetri. Është e njohur kjo metodë e vjetër. Më së shumti tradhtinë e kanë patur në ballë të përpjekjeve të tyre. Sali Berisha foli, minutat tuaj kanë mbaruar, është koha ime. Foli këtu për hartën e Europës, Sali vetëm ajo të ka mbetur që të përfundosh në kosh, koha ka ardhur, por s’ka rëndësi se ti damkën vetes ia ke vënë përpara se ta vinin ata përtej detit. Në kohën kur ti bëjë thirrje që marrëveshja e ‘Rambujesë’ të mos firmosej, sipas dëshmive të Remzi Hoxhës që nuk dihet ku shkojë, marrëdhënia me Millosheviç ishte ndryshe. Por ti deklaroje se as Ibrahim Rugova nuk duhet të pretendojnë pavarësinë e Kosovës. Zografi bis nuk ka bërë kurrë një marrëveshje deti me Greqinë, nuk ka furnizuar me naftë makinerinë vrasëse të regjimit të Millosheviç, e ke pranuar vetë pafuqinë. E nëse vazhdojmë me ato që ti ke bërë dhe ne kemi bërë me kryeministrin në krye dhe kjo qeveri që nuk lë vend të botës, dhe duhet ta dini që reputacioni i Shqipërisë është rritur. Ato që ti paturpësisht bërë, miratimin e rezolutës së Dick Marty, po tentojmë të zhbëjmë ne duke paraqitur një rezolutë të re. Por pasqyra dhemb, ajo tregon fytyrën që ke. E them që shumë shpejt Berisha do të dalë edhe skena politike.
