TIRANË– Kryetari i Partisë Demokratike Sali Berisha duke folur në një konferencë për mediat nga selia blu tha se ish-agjenti i shërbimeve sekrete shqiptare është Agron Neza. Sipas tij Nezës iu dhanë të dhëna nga zyra e kryeministrit Edi Rama për lobuesit e opozitës në SHBA dhe ata u vunë në hetim nga ish-zyrtari Charles McGonigal.
Sali Berisha: Edi Rama përdori ish-oficerin e policisë sekrete për hetime kundër opozitës në Nju Jork. Dokumentet e Ministrisë së Drejtësisë faktojnë se nga zyra e kryeministrit, Agron Nezës iu dhanë të dhëna konkrete për qytetarë amerikanë që lobonin për opozitën. Këto u vunë në survejim nga aseti i burimeve ruse, McGonigal. Edi Rama ka biseduar me McGonigal për investime ruse në Shqipëri, sipas të dhënave publike. Se imagjinoni se çfarë ka dosja në fshehtësi. Nuk them se u takuan në Davos, por ai po kthehej në Europë. Ka rëndësi se Edi Rama, kur e denoncova në parlament këtë lidhje ruse të Edi Ramës, këtë lidhje me një aset të rrezikshëm, Edi Rama reagoi si vijon: Jam krenar me miqësinë që kam me të!
