Kreu demokrat, Sali Berisha, në një konferencë për media, ka komentuar procesin e primareve, duke thënë se ishte më demokratiku.
Berisha tha se nuk ishte perfekt, pasi për shkaqe burokratike, disa demokratë mbetën pa votuar.
“Proces të përsosur nuk ka dhe nuk mund të ketë, por kërkoj ndjesë të gjithë atyre që u paraqitën për të votuar dhe nuk votuan dot për shkak të listës apo mungesës së dokumentit. U kërkoj shumë ndjesë dhe mendoj se PD do të bëjë gjithçka që kjo të mos ndodhë.
Megjithëse përcaktoi kriteret më të gjera, prapë mbetën demokratë pa votuar dhe kjo më lëndon. U kërkoj të falur për këtë privim të padrejtë që u është bërë nga shkaqe buroktratike.
Së dyti, numërimi është bërë me transparencë absolute me votë të shfaqur në ekran. Cilido ka dyshim, ka të drejte ti drejtohet Komisionit të Administrimit të Zgjedhjeve”, tha kreu demokrat.
Ish-kryeministri sulmoi edhe mazhorancën, duke thënë se kandidatët për deputetë i zgjedhim jashtë çdo kriteri.
“Imagjinoni ju ç’ndodh në krahun tjetër, ku kandidaturat përcaktohet nga Bajrat, Troplini, Cela, Ndoka dhe eksponentë të tjerë të krimit.
Përcaktohen nga valixhet me para. Përcaktohen jashtë të gjitha kritereve. E patë që Çyrbja u vendos fill pas Edi Ramës, sepse përfaqësonte bandën më të rrezikshme”, tha Berisha.
Berisha: Së pari, dua të ndalem në dy ngjarje të mëdha për jetën politike të Shqipërisë. Mendoj se, primaret që u zhvilluan ditën e diel në Shqipëri, ishin procesi më demokrat që Shqipëria ka njohur ndonjëherë.
Në këtë garë të hapur, u regjistruan mbi 450 kandidatë. Në këtë garë të hapur morën pjesë qindra e qindra kandidatë. Ushtruan të drejtën e votës rreth 51 mijë anëtarë të PD-së, votimi më i madh që nga viti 2013.
Dua me këtë rast, të përgëzoj, të gjithë ata që morën pjesë në këtë proces. Të përgëzoj kandidatët për guximin dhe vendosmërinë e tyre për të marrë pjesë në garë, si përfaqësues të PD-së në zghjehdjet e ardhshme.
Përgëzoj anëtarët e PD-së që ushtruan të drejtën e votës dhe votuan për kandidatin që ata vlerësonin më shumë.
I siguroj ata dhe mbarë shqiptarët, se kjo procedurë është e para e këtij lloji që zhvillohet në Shqipëri. Është më e mira, më demokratikja se çdo procedurë tjetër që mund të zhvillohej në raste të tilla.
Ky votim, përbën bazën më demokratike të përzgjedhjes së kandidatëve të PD-së për deputetë.
Natyrisht, në këtë përzgjedhje, disa kritere statutore, sic janë kuotat e përcaktuara në statut dhe në ligje, për gratë dhe të rinjtë, ato do të respektohen. Por, mendoj se këto përmirësojnë përfaqësimin e shoqërisë shqiptare në Parlament. Përndryshe, nuk ka metodë më të drejtë, më të ndershme se kjo.
Imagjinoni ju ç’ndodh në krahun tjetër, ku kandidaturat përcaktohet nga Bajrat, Troplini, Cela, Ndoka dhe eksponentë të tjerë të krimit.
Përcaktohen nga valixhet me para. Përcaktohen jashtë të gjitha kritereve. E patë që Çyrbja u vendos fill pas Edi Ramës, sepse përfaqësonte bandën më të rrezikshme.
Këto janë kandidaturat e vullnetit të lirë qytetar, të anëtarëve të PD-së.
Proces të përsosur nuk ka dhe nuk mund të ketë, por kërkoj ndjesë të gjithë atyre që u paraqitën për të votuar dhe nuk votuan dot për shkak të listës apo mungesës së dokumentit. U kërkoj shumë ndjesë dhe mendoj se PD do të bëjë gjithçka që kjo të mos ndodhë.
Megjithëse përcaktoi kriteret më të gjera, prapë mbetën demokratë pa votuar dhe kjo më lëndon. U kërkoj të falur për këtë privim të padrejtë që u është bërë nga shkaqe buroktratike.
Së dyti, numërimi është bërë me transparencë absolute me votë të shfaqur në ekran. Cilido ka dyshim, ka të drejte ti drejtohet Komisionit të Administrimit të Zgjedhjeve.
