TIRANË– Është mbyllur me debate fjala e kryetarit të Partisë Demokratike Sali Berisha në foltoren e Kuvendit. Këtë here në debat u përfshi deputeti socialiste Toni Gogu. Gjatë fjalës së tij Berisha i kërkoi që të mos mashtronte qytetarët e Tiranës se po furnizohen me ujë kur e vërteta nuk është kështu. Po ashtu Berisha akuzoi Gogun se po i bën ‘fresk’ kryebashkiakut Erion Veliaj në ‘gënjeshtrën’ që në Tiranë janë mbledhur 1 milionë pemë. Në diskutim ndërhyri dhe kreu i grupit të PS Taulant Balla, i cili i kërkoi Gogut të mbyllte debatin.
Sali Berisha: Është krimministër, s’mund ta quani kryeministër. Bëni më mbledhje apo s’ju vjen më fare ai ju? Edhe po s’ju bëri kërkojeni. U thua qytetarëve të Tiranës se po furnizoni ujë kur 61% s’marrin as 8 orë ujë se e kam parë që i bëni fresk atij pylltarit 1 milionësh, atij që thotë se mBolla 1 milionë drurë. Po atë e vret zoti me këtë gënjeshtër se je dhe besimtar, s’duhet të pranosh kurrë këtë. Mos i shko afër se i qëllon si dëshmitar i rremë. E di sa janë 1 milionë fidanë? Një pyll 10 herë më i madh se parku i Liqenit.
Taulant Balla: Se jemi dhe me Ramazan, e prishim Ramazanin po u morëm me këtë.
Toni Gogu: E kuptoj që e vërteta hju shqetëson. Pemët që kanë mbjellë qytetarët e Tiranës dhe shumë prej simpatizantëve që kujtojnë ditëlindjet, martesat e tyre dhe zbukurojnë qytetin s’mund t’i asgjësosh gënjeshtrën kronike tënden. Unë s’i bëj fresk askujt, i shërbej qytetarëve. Ajo cka të takon ty dhe mos u merr me ne socialistët, mos u merr me mbledhjet tona se s’po mbledh dot të tutë. Po të troket ora e humbjes ty dhe aty të shkoqurave që të vijnë vërdallë.
