TIRANË– Kryetari i Partisë Demokratike Sali Berisha ka kërkuar mbrëmjen e sotme dorëheqjen e menjëhershme të kryeministrit Edi Rama. Në një deklaratë urgjente nga selia blu kryedemokrati u shpreh se kreu i qeverisë është armiku më i egër i demokracisë, lirisë dhe identitetit të shqiptarëve. Gjithashtu ai u bëri thirrje demokratëve që të mobilizohen për betejen finale duke paralajmëruar kështu protestë.
Sali Berisha: Jam këtu për të kërkuar, largimin e menjëhershëm, dorëheqjen e menjëhershme të Edi Ramës nga detyra e kryeministrit. Jam këtu për të deklaruar se për PD-në, popullin opozitar, është absolut dhe i panegociueshëm. Prevalon, mbizotëron mbi çdo gjë tjetër. Pa largimin e këtij armiku të egër, të lirisë, identitetit dhe interesit të shqiptarëve, nuk ka dhe nuk mund të ketë asnjë zhvillim tjetër. Demokrate dhe demokratë kudo që janë, në Shqipëri dhe jashtë saj, duhet të mobilizohen për betejën finale me këtë kalbësirë, monstër, demon të pushtetit.
