TIRANË– Pas protestës së opozitës e cila zgjati më shumë se dy orë kryetari i Partisë Demokratike Sali Berisha u rikthye sërish në selinë e PD. Ai u përcoll nga qindra demokratë të cilët brohorisnin rrugës. Ai u ndal para shkallëve të selisë së PD dhe pasi piu ujë kërkoi që t’i jepnin telefonin pasi kërkoi të futej live në Facebook me qëllim që sipas tij mesazhi i tij do të përçohej tek të gjithë.
“Dua telefonin, ma hapni Facebook-un tim,”- tha kreu i PD-së.
Kryetari i Partisë Demokratike Sali Berisha u godit me grusht në fytyrë nga 31-vjeçari Gentian Shehu gjatë kohës që po marshonte nga selia e PD drejt bulevardit ‘Dëshmorët e Kombit’ ku do bashkohej me protestuesit. Shehu ka ardhur në mënyrë të rrufeshme nga turma dhe goditi në fytyrë Berishën. Në këtë moment kreu i PD ka rënë në tokë ndërsa ai është neutralizuar nga trupërojat.
