TIRANË– Kryetari i Partisë Demokratike Sali Berisha u ka bërë thirrje deputetëve të Kuvendit që të mos votojnë emrin e Ardian Dvoranit si anëtar të Gjykatës Kushtetuese. Duke folur nga mbledhja e Grupit Parlamentar kreu i PD tha se ai e ka vendin në burg pasi sipas tij Dvorani ka fshehur pasurinë. Kreu i PD u ndal dhe tek ambasadorja amerikane Yuri Kim, të cilën e akuzoi se keqinformon SHBA-të. Berisha tha se PD do të informojë në mënyrë të saktë SHBA-në në lidhje me emrin e Ardian Dvoranit, pasi sipas liderit demokrat ambasadorja ka një “patologji” për xhelatët e komunizmit.
Sali Berisha: Tani na vjen ky, ky që nejt 16 vite, apo 15 anëtar gjykate, asnjë votë nuk mund të marrë. Ftoj çdo deputet, të mos bëjë gabimin e tmerrshëm të votojë këtë person, thuhet se ka një marrëveshje, por ky person e ka vendin në burg dhe askund tjetër për fshehjen e pasurisë, për gjykimin në konflikt interesi. Të gjitha të faktuara nga Komisioni i Venecias. Ky sillet sot për ta votuar për anëtar të gjykatës kushtetuese. Pas tij është edhe ajo tjetra Semini. Këta e kanë bërë seksion partie drejtësinë,. Në front për të poshtëruar parlamentin shqiptar kanë nxjerrë Dvoranin. Duhet të qëndrojmë me të gjithë mundësitë tona dhe të qartësojmë shqiptarët se çfarë po ndodh me ne. Si hije e zezë do ta ndjekë ai ligj, i heqjes së parashkrimit për kryeministrit dhe ministrat sepse në mënyrë absolute do të lobohet në të gjithë botën dhe do të detyrojë hajdutët t’i thërrasin mendjes sepse nesër sapo të largohen nga detyra e kanë vendin para drejtësisë. Dvorani nuk është vetëm kaq, ka fshehur vetëm 80 mijë eruo, ka fshehur pasurinë, nuk ka dërguar të gjithë llogarinë rrjedhëse, ka dërguar vetëm finale ajo, askujt nuk i është pranuar në këtë mënyrë. Gjykatësi Muça që propozoi Meta i gjetën vetëm 16 mijë euro të padeklaruara. Një tjetri një biletë të deklaruar për punë në Milano, i thanë s’ka qenë për çështje pune. Këtij i gjetën 80 mijë euro. Cili ishte Dvorani? U soll si një bandit me kushtetutën dhe ligjet e vendit. E kapën në flagrancë Komisioni i Venecias, krijoi krizë, u përpoq të marrë kandidaturën që i takonte. Të gjitha këto janë të përshkruara, çfarë ndodhi? Në një akt të paimagjinueshëm Dvorani shpallet kampion botëror i luftës kundër korrupsionit. Nuk ka turp më të madh për shqiptarët. Duhet t’i bëjmë letër Departamentit të Shtetit, kryetarit të Kongresit, presidentit Biden e kudo. Nuk mund të fyhen shqiptarë në këtë mënyrë. Nuk shpallet dot kampion korrupsioni ky simbol korrupsioni. Ai është një xhelat, prokurori i djemve dhe grave që u dënuan më 13 shtator në Shkodër. Duhet të informojmë amerikën, është njeriu që në mënyrën më antikushtetuese qëndroi 4 deri në 6 pasi i skadoi mandati dhe u emërua në kundershtim me ligjin e lustracionit. Çfarë jemi ne? Çdo qytetar shqiptarë të pyesë veten? Ç’e ka Yuri Kim këtë patologji për xhelatët e diktaturës komunistët edhe për këtë do të informojnë qeverinë amerikane. Me ligj nuk mund të ishte anëtar gjykate. Ai u emërua në kundërshtim me ligjin e lustracionit, përse duhet të na e bëjnë simbol këtë njeri? Çfarë jemi ne? A nuk është ky një përçmim i madh për shqiptarët. Nuk ndodh në ndonjë vend të vbotës, ndodh vetëm në Shqipëri, është vepër totalisht e krye në disinformacion. Duhet t’i informojmë.
