TIRANË– Kryetari i Partisë Demokratike Sali Berisha u është bashkuar protestuesve para parlamentit dhe ka marrë fjalën para tyre. Beris u shpreh se sot nuk po protetsohet për PD-në por për çdo shqiptar.
Sali Berisha: Nuk protestoni për disa deputetë të Partisë Demokratike, ju votoni sot për çdo shqiptar që ka në vetëdijen e tij të çmuara idealet e lirisë. Ju jeni këtu sot për çdo shqiptar, protestoni për çdo shqiptar që beson se Parlamenti duhet të jetë tempulli i demokracisë dhe jo bunkeri i fjalës së ndaluar. Protestoni për të gjithë ata që e kanë zgjedhur këtë qeveri, por jo për të shkelur e dhunuar të drejtat e shqiptarëve. Të gjithë shqiptarët, pavarësisht indjeve politike, shkëpusin nga zemra bijtë e tyre dhe i nisin në emigracion. Ju jeni këtu sot për të gjithë ata shqiptarë që besojnë se Shqipëria është vend i shqiptarëve. Pse ky parlamet nga tempull i fjalës së lirë është shndërruar në bunker. Çdo hajdut që futet në shtëpi për të vjedhë, nëse e kap në flagrancë, tenton edhe të të vjedhë po mundi. Këta nuk futen si bandat në shtëpi, por në xhepat tona, në taksat tona, në të gjitha pasuritë publike, tuajat dhe të gjithë shqiptarëve.
