TIRANË– Kryetari i Partisë Demokratike Sali Berisha Sali Berisha deklaroi këtë të shtunë se ministrat e kabinetit Rama mbajnë nga tre pashaporta në xhep. Duke folur në një takim me strukturat e PD në Tepelenë tha se ministrat udhëtojnë në Dubai më shpesh sesa vijnë në Tepelenë.
Sali Berisha: A duhet të ngrihemi ne? Ne duhet të ngrihemi me të gjithë forcën tonë. Analistët rendin nga një ekran në një ekran tjetër që t’u mashtrojnë juve. Zonja në SHBA e denoncoi Edi Ramën se ka darkuar në një lokal në Nju Jork me 10 mijë dollarë darka. Dilte çakalli i tij e thoshte se ka kushtuar 100 dollarë. Me paratë e Ramës e thotë këtë. Se vetë Rama ka bërë 137 udhëtime me aeroplan me dhomë gjumi, se lodhet shumë se ka marrë pjesë vetëm në 19 mbledhje qeverie. Të gjitha të tjerat i ka Ballukja. Dhe del e thotë se këto udhëtime janë më të lira se të paraardhësit tim në linja private. Ndërkohë nuk e lejon komisionin hetimor për këtë çështje, se do nxjerrë se janë më shumë se 22 milionë euro shpenzime për udhëtime e vikende. Këto ministra, 5 herë më shpesh shkojnë në Dubai se sa vijnë në Tepelenë.
