BULQIZË-Kryetari i Partisë Demokratike Sali Berisha turin e tij elektoral në qarkun e Dibrës e ndali në Bulqizë ku u takua me mbështetës dhe simpatizantë të PD. Gjatë fjaslës së tij Berisha tha se më datë 14 maj Shqipëria do të festojë ndryshimin teksa nuk harroi akuzat nga kryeministrit Edi Rama dhe zëvendëses së tij njëherazi dhe drejtuese politike e Dibrës Belinda Balluku.
Sali Berisha: Jam sot këtu para jush për t’u bërë thirrje me 14 maj, i madh dhe i vogël, burrë dhe grua, vajza dhe djem, të festojmë fitoren e Defrim Fikut. Të festojmë fitoren e secilit qytetar dhe banor të këtij rrethi të bekuar. Të festojmë fitoren e ndryshimit! Edi Rama u bën thirrje ju, përpara u thotë, por përpara me Edi Ramën do të thotë përpara drejt varfërimit, drejt vjedhjes, përpara me hajdutin, krimin dhe pasigurinë, përpara me të keqen. Ndaj le t’i tregojmë atij vendin që meriton. Një njeri që ka përqendruar të gjithë pushtetet në duart e tij, një njeri që Bulqizën dhe Shqipërinë e shkretoi më shumë se çdo pushtim në histori. Ai është një pushtues i vërtetë. Ai nuk ka interesa të qytetarëve, ai ka interesa vetëm të pasurimit të tij, ai ka interesa vetëm të pasurimit të rrethit të tij familjar, ai ka interesa vetëm ato të Beogradit dhe jo të shqiptarëve. Një javë më parë deklaroi në Athinë se jemi kushërinj me serbët, se nga e gjeti ky, e gjeti për të mbuluar tradhtinë e tij ndaj shqiptarëve si një argat i Vuçiçit dhe asgjë më shumë. Kam një thirrje miqësore për të gjithë ju: mendoni pak, çfarë ndodhi këto tetë vite, çfarë sollën këto tetë vite për ju? Këto tetë vite, secili nga ju sot, për shkak të rritjes së çmimeve, merr minimumi një rrogë e gjysmë se ç’merrte në vitin 2013. Në vitin 2013, ne ishim njerëzit më të paguar të rajonit, më të paguar se bullgarët, më të paguar se rumunët që ishin anëtarë të BE. Po sot ku jemi? Sot jemi me rroga 30 deri në 40 përqind më të ulëta se Kosova. Kjo sepse Edi Rama ngriu rrogat dhe nxori si justifikim armën e tij të zezë, mashtrimin. Dje u thoshte se do rrisja rrogat, por nuk më la lufta. Po ç’lidhje ka lufta me rrogat? Ne të gjithë energjinë e kemi nga uji? Pse kushton nafta dy herë e më gjysmë se nafta në Ukrainë? Nuk është lufta, është vjedhja. Se me këtë Balluken që u vjen këtu, çdo verë këta zbrazin digat, në një kohë kur ligji e ndalon zbrazjen e tyre verës. Sepse dihet se çmimi më i shtrenjtë i energjisë është në vjeshtë. Zbrazin digat dhe i shesin përmes sekserëve. Këto i merr Ballukja dhe i fshehin në offshore. A e keni parë ju se si e kanë inauguruar gjer më sot, pesë herë Rrugën e Arbrit. Inauguruan tunelin e Qafë Buallit. Ai tunel mund të ishte inauguruar 15 herë gjer më sot, por ata e lanë ta inauguronin në prag të zgjedhjeve.Edi Rama hoqi rentën në mënyrën më antidemokratike, çka do të thotë se ju nuk përfitoni asgjë nga kromi, nga kjo pasuri përrallore. Ka dërguar këtu një njeri që është simbol i babëzisë dhe e shfrenuar pas lukseve. I them asaj Ballukes që vjen këtu, a mundet po të mendoje ti për këta qytetarë, ta oriendoje zyrën me 220 mijë euro, që atë nuk e bën as kryetari i shtetit? A mundet ti, po të ishe njeri i ndjeshëm ndaj qytetarëve, të ulesh dhe të porosisësh biftekun 10 mijë euro? A mundesh të ndjekësh lukset, kur Shqipëria dhe shqiptarët përjetojnë varfërinë dhe mjerimin në rritje. Unë ia them sot: Belinda Balluku, do të përgjigjesh gjer më një si kriminele elektorale, si Edi Rama, Ulsi Manja, Pjerin Ndreu, Damian Gjiknuri. Ju jeni një bandë kriminale, por ju jap fjalën se deri ditën e fundit do ndiqeni për krimin e shëmtuar që keni kryer dhe po kryeni. Miqtë e mi, ka një panik, ka një tmerr në radhët e hajnave. Hajnat, çdo gjë janë, vetëm trima nuk janë. Edhe hajnat në qeveri nuk janë trima. Tani i ka kapur lemeria se fitorja është e burrave dhe grave idealistë, e njerëzve të lirë. Ata e shohin se 14 maji firmoset fundi i tyre i turpshëm politik. Ata e dinë se me 14 maj nuk votohet vetëm për veglat e tyre, por votohet për të sotmen dhe të ardhmen e Shqipërisë.
Ndaj dhe thirrja ime për çdo shqiptar është: më 14 të dalim të gjithë në votime, të votojmë ndryshimin, të votojmë Defrim Fikun, të votojmë 1-shin! Thirrja ime gjer me datën 14, çdo orë, çdo ditë të përshëndesim njëri-tjetrin: ndryshimi në duart tuaja. Ne do fitojmë! Të gjithë ata të cilët marrin para nga Ballukja, e cila ka sjellë 400 milionë lekë vetëm pagesa paaftësie, merrni ato para dhe ndëshkojini me votë! Ju garantoj se qëllimi më kryesor i yni është jo vetëm dyfishimi i rrogave dhe pensioneve, por prapë shqiptarët në krye të rrogave në Ballkan. Edi Rama është në panik dhe ju e dini atë fjalën që thotë: kërcën Rama nga sevdaja. Ky kërcënimi nga sevdaja është kërcim me lepur në bark. Përdor çdo fjalor, por me asgjë nuk mbulon dot ti vjedhjen që u ke bërë shqiptarëve dhe diskriminimin që u ke bërë zonave të veriut dhe shqiptarëve. Hidhu dhe përdridhu sa të duash, por pas datës 14 maj të pret ai vend që e meriton. Do ketë zgjedhje të përgjithshme dhe do dalësh përpara ligjit. Përveç kësaj, Edvinin e pret miku i tij i nderit, Charles McGonigal. Nuk ka gjykatës që dënon ryshfetmarrësin dhe nuk dënon rryshfetdhënësin.
