TIRANË– Kryetari i Partisë Demokratike Sali Berisha ka paralajmëruar protesta masive ditën e sotme. Sipas tij revolocioni dhe protesta deri në rrëzimin e qeverisë janë zgjidhja e vetme. Sipas tij me Edi Ramën në krye të ekzekutivit nuk mund të ketë zgjedhje të lira dhe të ndershme por nuk dha një datë finale se kur do të mbahet protesta. Lideri demokrat tha se do të konsultohet dhe me aleatët.
DISKUTIMI:
Pyetje: Cfarë i mungon PD-së që të thërrasë protestë?
Sali Berisha: Do njoftohet data e protestës dhe do të organizohet protesta më e fuqishme. Tirana do të derdhet e tëra në protestë dhe Shqipëria do të marshojë në Tiranë. Nuk ka shqiptar që të pranojë një kryeministër si ky. Një kryeministër që paguan dhe përdor si lidhje për t’i dhënë një goditje tmerrësisht të rëndë opozitës. Shqiptarët nuk do t’ia falin kurrë Edi Ramës. Nuk do të pranojnë kurrë një kryeministër të tillë.
Pyetje: Cfarë skenari do të përdorni?
Sali Berisha: Një protestë e qëndrueshme deri në rrëzimin e Edi Ramës. Protesta e 12 nëntorit ishte protesta më e madhe. Para saj ka pasur vetëm një protestë aq të madhe që ishte 7 korriku. Kur do jetë? Është çështje diskutimi, do të vendoset me forumet e partisë dhe aleatët.
Pyetje: Protesta apo zgjedhje për largimin e Edi Ramës?
Sali Berisha: Me Edi Ramën nuk ka zgjedhje. Edi Rama është një armik i votës.
Pyetje: Para disa kohësh thatë se Edi Rama ikën me zgjedhje…
Sali Berisha: Kam deklaruar ndryshe. Kam thënë se PD nuk merr pushtet tjetër përveçse me zgjedhje. Edi Rama duhet të japë dorëheqjen një minutë e më parë. Rama është një kriminel ndërkombëtar, ka kryer një akt tmerrësisht të rëndë.
Pyetje: Me Ramën kryeministër në zgjedhjet e 14 majit?
Sali Berisha: Nis lëvizja finale për rrëzimin e Ramës. Kjo opozitë ka për mision përmbysjen e këtij regjimi. Nuk mund të pranojmë kurrë më tutje ne një kryeministër që kryer një akt të përmasave të turpit botëror. Beteja do të zhvillohet në çdo skaj, sallë, institucion të Tiranës. Të enjten do jenë përgatitjet për revoltën të fuqishme, protestës më të fuqishme që ka Shqipëri ka njohur. Tirana do të ‘derdhet’ e tëra në lumë, Shqipëria do marshojë drejt Tiranës.
Pyetje: Do e pranoni grupin e Alibeajt në mbledhje?
Sali Berisha: Nuk ekziston grupi i Enkelejd Alibeajt, ekziston Enkelejdi si Alibash. Deputetët e tjerë janë të mirëpritur. Alibeaj është Alibash, Alibash. Janë pengje në duart e Ramës. Të tjerët pa përjashtim.
