TIRANË– Kryetari i Partisë Demokratike Sali Berisha ka kometuar këtë të premte situatën në kampin opozitar. Gjatë konferencës së përjavshme me gazetarët Berisha u shpreh se nëse Partia Demokratike do të fitojë zgjedhjet e vitit 2025, atëherë do të ketë një votim me “Primare” për emrin e kryeministrit të ri. Po ashtu lideri demokrat komentoi dhe marrëdhënien me Gazment Bardhin, i cili ka deklaruar se nuk do të bëhej pjesë e grupimit të Berishës nëse ky i fundit do të ishte kandidat iu demokratëve për nkryeministër në vitin 2025.
Sali Berisha: Shkeljet më të tmerrshme pas vrasësve dhe pengmarrësve e përdhunesve të ligjit, e bëjnë prokurorët, gjykatësit apo zyrtarët e tjerë. Sepse unë di gjykatës që ka liruar tjetrin pasi ka vrarë djalin e ri në shkallët e veta. Di prokuror që nuk ka mbyllur dosjen se ka marrë 200 mijë euro dhe ka shpëtuar vrasësin nga dënimi. Ka të tjerë që shesin dosjen dhe shitja e dosjes dhe sekretit hetimor është akt kriminal. Rrjedhja nuk është gjë tjetër, veçse shitje e dosjes në bashkëpunim me krimin. Tani marrim tjetrën, a e pe këtë të KAS? Është jurist ai. Armiqtë më të egër të ligjit janë juristët që kanë humbur çdo element të ndërgjegjes profesionale. Ata jurst që vendosin ta përdorin ligjin për interesat e tyre, ata janë armiqtë më të egër sepse kanë në dorë më shumë se të tjerët.
Pyetje: Do të jeni kandidat në 2025 apo do të shikoni mundësinë për një person tjetër për kryeministër?
Sali Berisha: Nuk jemi larg me Gazment Bardhin në këtë rast, se çfarë kam deklaruar unë, pasi të fitojë zgjedhjet PD, do të ketë një votim me primare për kryeministër. E kam thënë unë këtë. Jemi afër këtu. Asnjë njeri nuk mund të kundërshtojë votën po të jetë masive për mua.
