TIRANË– Kryetari i Partisë Demokratike Sali Berisha deklaroi se PD do të financohet në këto zgjedhje nga kontributet e anëtarëve duke u gjendur përballë faktit se tashmë Komisioni Qëndror i Zgjedhjeve fondet ia kaloi PD-së së drejtuar nga deputeti Enkelejd Alibeaj. Sipas Berishës paratë e demokratëve u vodhën nga një grup i kryeministrit Edi Rama.
Sali Berisha: Edi Rama u kthye në genin e tij familjar. Vetëm me këtë mund të justifikohet heshtja e Ramës si porositës ndaj këtij akti. Edi Rama ka fallanga krimi, qoftë në policinë e shtetit. Shërbimin Inteligjent e ka kthyer në kohën e Fatos Klosit. Një nga aktet më të turpshme, mundin e qytetarëve që votuan PD-në, grabitën nga një grup i Ramës. Kjo tregon fytyrën e këtij regjimi dhe imoralitetin e kësaj dyshe fatkeqe. Po PD e sigurtë ndaj fitores asnjë nuk e pengon, po financohet dhe do financohet nga kontributet vullnetare të demokartëve. Veliaj ngarkon në furgona punonjësit e bashkisë dhe përsërit takimin me ta. Nga qytetarët ai ka frikë. Janë në një dëshpërim të thellë.
