TIRANË– Kryetari i Partisë Demokratike Sali Berisha ka bërë mbrëmjen e sotme një deklaratë të fortë ku ka sulmuar disa ambasadorë pa përmendur emrat por dhe ambasadoren amerikane në Tiranë Yuri Kim drejtpërdrejtë. I ftuar në “Now” Berisha tha se ambasadorët dashurohen në “livadhet” e qeverisë. Sa i përket diplomates amerikane Yuri Kim kreu i PD tha se ekzeston dhe një video e saj.
Sali Berisha: Kur ky diplomat dashurohet në livadhin e qeverisë, por kur ato të veshit ia kthen në puthje qeverisë dhe në shkelma Opozitës. Yuri Kim paska një të dashur që i flet në vesh natën. Mos shko më tutje, nuk e thashë këtë. Mos shko më tutje. Nuk e di unë a i flet natën në vesh, a i jep dosje, a i jep porosi. Mos më bëj të flas më shumë, njëri është larguar që këtu, por është i filmuar. Seksi nuk është mëkat, mund të të dalë dhe një video. Është filmuar me…Lëre tani se nuk dua të flas më gjatë.
