DURRËS– Kryetari i Partisë Demokratike Sali Berisha ka prezantuar këtë të shtunë në Durrës kandidatin e koalicionit ”Bashkë Fitojmë” për këtë bashki, Igli Carën. Gjatë fjalës së tij kryedemokrati lëshoi një lumë akuzash të rënda ndaj ish-kryebashkiakut të Durrësit Vangjush Dakos dhe Ardian Çelës, të cilët i ka quajtur “dyshja më mafioze në Shqipëri e Ballkan”. Në fund Berisha kërkoi votat e durrsakëve për Igli Carën për të cilin tha se është kandiati më i mirë.
Sali Berisha A nuk është një thirrje t’i largojmë. Nuk paguajmë asgjë më shumë se sa indiferencën tonë, s’duhet të ecim të përgjumur. Ju ftoj që këto ditë që kemi para deri më 14 maj të bëjmë gjithçka, të trokasim në çdo zemër dhe çdo derë për të vendosur Igli Carën kryetar të Bashkisë. Ajo zonja që është del nga sirtarët e Gjushit, ka një dyshe më mafioze në Shqipëri por edhe në Ballkan e më gjerë. Gjushi dhe Ardian Çela, mikpritësit e Massimo Denaro, nxënësit e tij në Shqipëri. Gjush thuaj durrsakëve sa para nga taksat e tyre i ke dhënë McGonogal. Do ta gjejmë dhe do të bëhesh përgjegjës për to. Në respekt të qytetarëve të Durrësit i sugjeroj Igli Carës ta ftoj në debat Sakon, të marrë suflerët me vete, Gjushin e Çelën aty mbrapa, ti marrë, ti marrë se nuk flet dot ajo. Ndërton konstruksione betoni vetëm për të vjedhur, Në Durrësin e ri kolektori i hapur, rrugë të pashtruara. Nuk pyesin për qytetarët, pyesin vetëm për llogaritë e tyre bankare. 14 maji është fundi i Gjushit, fundi i Ardian Çelës, fundi i Edi Ramës.
