TIRANË– Kryetari i Partisë Demokratike Sali Berisha duke folur nga protesta para Kryeministrisë ka ftuar socialistët që të bashkohen në revolucion. Ai tha se kreu i qeverisë shpenzon nga paratë e shqiptarëve 4 milion euro për të vendosur një instalacion në oborrin e Kryeministrisë.
Sali Berisha: Kryeministri i pashpirt, vendos prapa kësaj ndërtese vazon 4 mln euro, të mjaftueshme për të blerë ilaçet 1 muaj të gjithë pensionistët shqiptarë. Në një kohë kur ju gëzimet familjare, dasmat, ditëlindjet mezi i gëzoni se nuk keni para Ai shpenzon me avionin e tij, këto miliona euro, 10 mijë dollarë dreka, janë vjedhje xhepi për këtë. Vjedhjet e tjera janë qindra herë më të mëdha, firmos 420 mln euro për djegësa që nuk ekzistojnë, vjedh sipas kontrollit të lartë të shtetit 122 mln lekë, që mjaftojnë për të ngritur me 130% rrogat e shqiptarëve. Vjedh Portin e Durrësit, pasurinë më të çmuar të shqiptarëve. Edi Rama, nuk mund të mposhtësh idealet e qytetarëve. Sot, pasi asgjesori PD-në, i hoqi të drejtat, votën e çdo gjë. Ai kërkon të asgjesojë. Revolucioni ynë ka misionin e madh të demokracisë. Luftoni për vete, për të ardhmen tuaj, për vendin tuaj të bekuar, për Shqipërinë. Po u bëj thirrje socialistëve, bashkohuni me këtë revolucion, idealet tuaja nuk janë vjedhja, nuk janë shkretimi i Shqipërisë.
