TIRANË– Kryretari i Partisë Demokratike Sali Berisha ka akuzuar kryeministrin Esdi Rama se i ka përdorur fluturimet me çartera për tu bërë presion ministrave të tij. Gjatë fjalës së tij para protestuesve në protestën që po zhvillohet para Parlamentit kreu i PD tha se ministrave iu është bërë presion për të firmosur dokumente për inceneratorët.
Sali Berisha: Ju po protestoni kundër një hajduti që po mjeron çdo ditë shqiptarët, protestoni kundër një njeriu, i cili vazhdon të vjedhë ditën dhe natën me aferën e djegësave. A e dini ju se djegësat, 420 milionë, kanë vetëm një njeri kryesor dhe ky është Edi Rama. A e dini ju se çarteri i tij është përdorur për fluturime për t’u bërë presion ministrave të tij, që të firmosin dokumentet për djegësat? A e dini ju se me Erion Veliajn, vjedhin në çdo ton mbetje që derdhet në Sharrë, 18 euro nga mundi dhe djersa juaj? A e dini ju se ky zotëri, shtrohet në darka 10 mijë dollarë me McGonigal, ministrja e tij këput 1 mijë euro biftekun? A e dini se këto tregojnë urrejtjen e madhe që kanë janë ndaj jush?.
