TIRANË– Kryetari i Partisë Demokratike Sali Berisha ka deklaruar këtë të enjte se Lulzim Basha dhe Enkelejd Alibeaj janë marrë peng nga kryeministri Edi Rama. Sipas tij Gazment Bardhi dhe Jorida Tabaku nuk janë bërë pjesë e saj. I ftuar në ”Opinion” kryedemokrati tha se Basha mbahet ”peng” me dosjen e hetimeve ruse. Po ashtu lideri demokrat foli dhe për aleatin e tij Ilir Meta.
Sali Berisha: Rama ka marrë peng Lul Bashën dhe Alibeajn. Jo Gaz Bardhin dhe Jorida Tabakun. Mos mi shto. Bashën e mban peng me paratë sepse për dosjen nuk ka firmosur një prej prokurorëve. Tjetrin e mban peng me të vëllanë.
Pyetje: Pse elektorati demokrat duhet ti besojë aleancës me Ilir Metën të cilin ju në shumë faza keni qenë kundër?
Sali Berisha: Dallimi është shumë i madh, Ilir Meta është i lirë. Ka marrë vendime kundër Berishës dhe Ramës. Edhe kurthin e fundit që i bëri Edi Rama, ia doli. Basha doli kundër Elisabeta Imerit, i thashë unë se nuk e njihja. Se është grua i thashë.
