TIRANË– Kryetari i Partisë Demokratike Sali Berisha ka akuzuar kryeministrin Edi Rama që me planin e tij për krijimin e një universiteti qëndror në Tiranë po kërkon ta lërë arsimin në dorën e mafias. Kryedemokrati u bëri thirrje të gjithë pedagogëve dhe studentëve që të mbrojnë universitetet.
Sali Berisha: Tani thotë të krijojmë universitetin e madh, t’i bashkojmë. Anti-tendencë! Pse kërkohet të bashkohet? Se u është vënë syri pasurive publike që mund të keni. Që duhet t’i rrëmbejë, kërkon që t’i japë me PPP universitetet dhe t’i dorëzojë në duart e mafies. Me qëllimin e vetëm për të shfrytëzuar të gjithë fasilitetin që ato kanë. Na del tani se duhet të kemi 3 lloje universitetesh. Ky vendim është për t’i çuar universitetet tona në katastrofë dhe unë iu bëj thirrje të bëjmë gjithçka për një kundërshtim të hapur për të mbrojtur interesat e studentëve, pedagogëve dhe universiteve tona. Ku do shkojmë ne kështu? Ky njeri që mburret se nuk ka master as doktoratë, ky urren! Po ato janë djersë, janë arritje janë përkushtim individuale apo ekipi. A është meritë që nuk ke master apo doktoraturë? Jo! Atëherë ai shpreh një urrejtje. Prandaj së bashku duhet të hartojmë një program emergjence për arsimin e lartë dhe gjithë vendin
