TIRANË– Kryetari i Partisë Demokratike Sali Berisha ka akuzuar ashpër ambasadoren amerikane në Tiranë Yuri Kim. Në një intervistë në A2 CNN kreu i PD u shpreh se Kim është si një binjake siameze e ish-agjentit të FBI-së Charles McGonigal. Sipas tij ashtu si ish-agjenti dhe ambasadorja Kim ka tentuar të shkatërrojë opozitën.
Sali Berisha: Kam me qindra fakte për këtë dhe unë jam sot këtu për t’u rikujtuar shqiptarëve se shpallja non e Sali Berishës, të cilin e kam deklaruar si një vendim të bazuar në lobim korruptiv të Edi Ramës e Soros. Nuk besoj se ka shqiptar që nuk i di përpjekjet antikushtetuese e antiligjore, antidiplomatike të guvernatores Yuri Kim, njeriun që ajo donte kryetar opozite për të vendosur në kontroll të plotë opozitën e një vendi, e cila tani hesht. Kim hesht, sepse është sjellë si motër siameze me McGonigal, ashtu siç u korruptua McGonigal dhe u angazhua me fuqinë e postit të tij kundër opozitës po kështu u korruptua zonja Kim dhe u angazhua në luftë të turpshme dhe pa princip për të shkatërruar opozitën shqiptare. E kam denoncuar me kohë, po kështu u korruptua zonja Kim dhe u angazhua në luftë të turpshme ëpr të shkatërruar opozitën shqiptare. Duke mos paraqitur dot shqiptsrëve dhe komunitetit ndërkombëtar qoftë edhe një provë të vetme, kur opozita ishte dhe është popullata më proamerikane, i tregoi barin, i bëhej thirrje për të mos votuar këtë apo atë. Kur emisarë vinin dhe thoshin se kishin dosje për t’ua sjellë. Mediat kanë denoncuar për vakancat e saj me qeveritarë dhe afër tyre, nuk mohohen këto dhe këto janë thënë publikisht disa herë. Nuk ka një Agron Nezë që të çojë paratë dhe të japë në restorant a parking, por korrupsioni ka qenë në forma të ndryshme. Kanë qenë veprime korruptive të mirëfillta që nuk shprehnin parimet e mëdha mbi të cilat është ndërtuar kushtetuta e SHBA. Pse hesht zonja tani? Ajo që u ka fol shqiptarëve detin e malet, për Enkelejdin e Lul Bashën, për Ramën e të gjithë ministrat me radhe, pse nuk u thotë një fjalë në këtë moment krize më të thellë pas ndërprerjes së marrëdhënieve diplomatike nga Enver Hoxha me SHBA. A ka një detyrim ajo? Ajo nuk kishte respekt për shqiptarët, ndiqte një agjendë që synonte shkatërrimin e opozitës dhe forcimin e pushtetit të Edi Ramës, më të korruptuar. Ajo është pjesë e këtij skenari. Pjesë e këtij skenari është dhe Alastair King-Smith, ambasador i Britanisë së Madhe, që thërret gazetarë dhe u thotë se kush duhet dhe kush s’duhet të jetë në politikën shqiptare. Ky ndan shumë gjëra me Erjon Veliajn dhe Lul Bashën dhe ai është një siamez McGonigal në qëndrimet ndaj opozitës dhe shkatërrimit të saj. Nuk pranoj kurrë që një ambasador të sillet sikur është një koloni e vendit të tij, ky është një vend sovran. Dhe unë garantoj se ky ambasador me mbështetjen pa kushte që i ka dhënë regjimit dhe këtyre individëve është një shkak i vrasjes së shpresës dhe largimit të shqiptarëve nga Shqipëria.
