TIRANË– Kryetari i Partisë Demokratike Sali Berisha ka vijuar me akuzat ndaj kryeministrit Edi Rama pas arrestimit të ish-agjentit të FBI-së Charles McGonigal që rezulton të jetë dhe miku i kreut të qeverisë dhe një biznesmen në vendin tonë. Duke folur në mbledhjen e grupit parlamentar Berisha tha se Charles McGonigal ka bërë 6 udhëtime në Shqipëri ku ka takuar ish-drejtorin e Policisë së Shtetit Ardi Veliun dhe drejtues të tjerë të lartë në kupolën e policisë.
Sali Berisha: Edi Rama është bashkëautor në këtë krim të shëmtuar. McGonigal ka bërë 6 udhëtime në Shqipëri, ka bërë takime me Ardi Veliun me shefin e shërbimeve, me kupolën e Policisë etj. Thuhet se i ka bërë me udhëtime të fshehta. E paimagjinueshme. Që të gjitha duke mos deklaruar oficerin e regjimit, që e shoqëronte edhe në tualet kishte rrezik. Agron Nezën. Askërkund nuk e tregonte, krijonte dhe merrte shuma, 225 mijë dollarë prej tij, por firmoste dhe marrëveshje. Krijonte ndërmarrje që të shvaste edhe 500 mijë euro në Bosnje. Këta Edi Rama me Agron Nezën dhe Duçkën bënë gjithçka që t’i japin këtij njeriu çdo mundësi që të shkelmojë rregullat dhe kodin e institucionit të tij.
