BULQIZË– Kryetari i Partisë Demokratike Sali Berisha ka sulmuar nga Bulqiza kryebashkiakun socialist të qytetit Lefter Alla për të cilin tha se ka të gjithë veset e kryeministrit Edi Rama. Gjatë fjalës së tij në ceremoninë e 32-vjetrorit të themelimit të PD Bulqizë kryedemokrati tha se Rama ka frikë të vijë në parlament dhe shëtit rrugëve si fantazmë.
Sali Berisha: Frikë ka Edi Rama, tmerr. Shëtit si fantazëm dhe ka frikë të vijë në parlament. Banda e tyre kapte një nga një biznesmenët me listë për t’i gjobitur. Në emër të kujt? Në emër të Edi Ramës. Koha është të ulemi, me çdo shqiptar, me çdo socialist. Po ju garantoj se duke përjashtuar kryetarin në ikje që ka veset e Edi Ramës. (qeshin të pranishmit). I ka, i ka, i ka me dokumenta. Të gjitha veset e tij i ka.
