TIRANË– Kryetari i Partisë Demokratike Sali Berisha u ka bërë thirrje ditën e sotme socialistëve, të cilët sipas tij nuk duhet të pranojnë diktatin nga një njeri që ka kthyer platformën e Enver Hoxhës në parti duke ndaluar fjalën e lirë, mendimin ndryshe dhe sipas tij ka ndaluar votën.
Duke folur nga mbledhja e Kryesisë së PD kryedemokrati tha se kur PD të vijë në pushtet ligji i parë që do të miratojë do të jetë ai për të detyruar partitë politike të zbatojnë normat bazë të demokracisë, duke marrë shembullin e Bundestagut gjerman.
Sali Berisha: Partia Demokratike ngjason me një ishull ku drita e votës përcakton dhe ndriçon. Jashtë saj është terri i shpellës më i zi se kudo me partinë e krimit dhe drogës me në krye Edi Ramën. Aty nuk votohet, aty diktojnë banda dhe krimi. Dhe mund të them me bindjen më të plotë se ajo parti në këtë formë është një fatkeqësi e madhe kombëtare. Është një potencial për transfigurime në çdo variant anti demokratik. Ftoj anëtarët e kësaj partie të mos pranojnë këtë diktat të një njeri që ka kthyer platformën e Enver Hoxhës brenda partisë se nuk do të jetë e largët dita kur do të ndihen të damkosur në shoqërinë shqiptare. Asgjë dhe askush nuk duhet t’u mohojë atyre të drejtën e votës. Shqiptarët janë ata që e pësuan më shumë se çdo komb tjetër në Europën e pas luftës delegimin e ndërgjegjes. Është dorëzim para krimit, drogës dhe mafies. Dhe ajo sjell vetëm të zeza për PS dhe vendin, anëtarësinë e saj. U them socialistëve mos u mashtroni dhe u rikujtoj këtu se disa vite më parë Edi Rama vendosi nenin sipas të cilit për kryetarin nuk votohet. Kur ai zgjidhet. Por ai po vjedh votën. Tani ai u hoqi ju të drejtën të votoni edhe për të gjitha forumet e tjera. Një ligj do përgatitet sa më shpejt për të detyruar çdo parti politike që të zbatojnë normat bazë të demokracisë në jetën e saj, Ky ligj është miratuar nga Bundestagu gjerman që ka detyruar zbatimin e standardeve demokratike. Uroj që anëtarët e PS të detyrojnë përfaqësuesit e tyre ta votojnë këtë ligj ndryshe i garantoj që ligji i parë që do votohet dhe kush nuk e voton do dalë jashtë ligjit. Aty nuk votohet, aty ryshfetohet, paguhet, diktojnë bandat dhe krimi dhe mund të them me bindjen më të plotë se ajo parti në këtë formë është një fatkeqësi e madhe kombëtare. Është një potencial i jashtëzakonshëm për transfigurime në çdo variant anti-demokratik të një force politike anti-demokratike. Ftoj me këtë rast anëtarët e kësaj partie të mos pranojnë këtë diktat të një njeriu që ka kthyer platformën e Enver Hoxhës brenda partisë. Nuk do të jetë e largët dita kur do të ndihen të damkosur në shoqërinë e lirë shqiptare. Asgjë dhe askush nuk duhet të ju mohojë atyre të drejtën e votës. Duhet të marrë fund, shqiptarët janë ata të cilët e pësuan më shumë se çdo komb tjetër në Europën e pasluftës, delegimin e ndërgjegjes. Delegimi i ndërgjegjes siç po ndodh defakto tani në PS është dorëzim para krimit, drogës dhe mafias. Dhe ajo sjell vetëm të zeza për PS-së dhe vendin, anëtarësinë e saj. U them socialistëve mos u mashtroni dhe u rikujtoj këtu se disa vite më parë vendosi nenin sipas të cilit, për kryetarin nuk votohet, kur ai zgjidhet. Por ai po vjedh votën. Tani ai ju hoqi të drejtën edhe për të gjithë forumet e tjera.
